Мектепке дейінгі және бастауыш білім беру арасындағы сабақтастықты нығайту

2026 жылғы 4 наурызда Білім беруді дамытудың инновациялық орталығы Май ауданының Е.Мұқашев атындағы жалпы орта білім беру мектебі базасында «Мектепке бағдар» жобасы аясында «Сенім көпірі: балабақша мен мектеп арасындағы қызметтестік» тақырыбында тәжірибеге бағытталған семинар-практикум өткізді.

Семинар барысында мектепке дейінгі ұйымдардың педагогтері, мектепалды сынып тәрбиешілері және бастауыш сынып мұғалімдері сабақтастықтың өзекті мәселелерін талқылады.

 Оқыту сатыларының арасында балалардың функционалдық сауаттылығы мен эмоционалдық интеллектісін қалыптастыру мәселелеріне ерекше назар аударылды. Пікір алмасу тәрбиеленушілердің балабақшадан мектепке біртіндеп әрі жайлы көшуіне қолайлы жағдай жасауға ықпал ететін ынтымақтастықтың ең тиімді үлгілерін айқындауға мүмкіндік берді.

 Семинар қорытындысы бойынша мектепке дейінгі және бастауыш білім беру педагогтері арасындағы өзара әрекеттестікті одан әрі жетілдіруге бағытталған ұсынымдар қабылданды. Қалыптастырылған тәсілдер балаларды мектепке даярлау жұмысын жүйелеуге және педагогикалық сабақтастықтың неғұрлым жоғары деңгейін қамтамасыз етуге мүмкіндік береді.