100-ден астам жоба – бір мақсат, бір құндылық

«Отбасылық идеялар шеберханасы» атты шығармашылық байқау ұйымдастырылды. Бұл шараға ауданның барлық мектептері белсенді қатысып, барлығы 60 оқушы мен 100‑ден астам ата‑ана өнер көрсеткен, бұл білім беру мекемелері мен оқушылар отбасыларының арасындағы тығыз ынтымақтастықтың жоғары деңгейін көрсетеді.

Байқау барысында қатысушылар ата‑аналарымен бірлесіп дайындалған түрлі өрнекті‑қолданбалы және шығармашылық жұмыстарды ұсынды.

Басты мақсат – оқушылардың шығармашылық қабілеттерін дамыту, ұлттық құндылықтарды насихаттау және мектеп пен отбасының арасындағы ынтымақтастықты нығайту болды. Ұсынылған жұмыстар мазмұндық тереңдігімен, жоғары шеберлік деңгейімен және көркемдік талғаммен ерекшеленді.

Оқушылар мен ата‑аналардың бірлескен еңбектері — отбасылық тәрбиенің, түсіністіктің және бірліктің жарқын үлгісі болды. Қатысушылардың белсенділігі мен креативтілігі қазылар алқасы жоғары бағалады.

Сонымен қатар «Ұрпақ үні» жобасы аясында жастардың ой‑өрісін еркін білдіруге бағытталған креативті жұмыстар көрсетілді. Жобаның қатысушылары өз шығармашылығы арқылы қоғамдағы өзекті тақырыптарды көтеріп, ұлттық құндылықтарды қазіргі заман идеяларымен үйлестірді.

 

Мерекенің басты ерекшелігі — өсіп келе жатқан ұрпақтың белсенділігі, жаңа идеялары және инновациялық ойлау қабілеті болды. Әрбір шығарма болашаққа деген сенімділік, жауапкершілік пен саналы азаматтық ұстанымды көрсетті. Жалпы 100 астам жобалар ұсынылды.

 

Мұндай іс‑шаралар жастардың өнерге қызығушылығын арттырып, олардың жан‑жақты дамуына үлкен үлес қосады.