400- ден астам педагог онлайн тәжірибе алмасты

2026 жылғы 28 қаңтарда Павлодар облысы білім басқармасының Инновациялық білім беруді дамыту орталығы ағылшын тілі педагогтеріне арналған республикалық онлайн семинар-практикум өткізді. Іс-шара Павлодар, Батыс Қазақстан және Маңғыстау облыстарының білім басқармалары арасында жасалған өзара ынтымақтастық және бірлескен қызмет туралы Меморандум аясында ұйымдастырылды.

Семинар «Сапаға апарар жол — тілдік дағдылар деңгейін арттыру» тақырыбында өтіп, елдің үш өңірінен 400-ден астам ағылшын тілі мұғалімін біріктірген педагогтердің кәсіби дамуы саласындағы маңызды шараға айналды.

Іс-шараның мақсаты — педагогтердің кәсіби құзыреттілігін арттыру, әдістемелік дағдыларын жетілдіру, сондай-ақ тыңдалым, айтылым, оқылым және жазылым сияқты негізгі тілдік дағдыларды дамытуға бағытталған заманауи оқыту тәсілдері мен құралдарын меңгеру болды.

Семинар барысында қатысушылар инновациялық оқыту технологияларына, мәдениеттер мен құндылықтардың өзара ықпалдастығына, сондай-ақ оқу үдерісін тиімді ұйымдастыру стратегияларына негізделген тәжірибелі педагог-зерттеушілер мен әдіскерлердің авторлық әзірлемелері ұсынылған практикалық бағыттағы шеберлік сыныптарға қатысты. Оқушыларды ынталандыру, мәдениетаралық құзыреттілікті қалыптастыру, сондай-ақ шет тілдерін оқытуда цифрлық және мультимедиялық ресурстарды пайдалану мәселелеріне ерекше назар аударылды.

Қатысушылар іс-шараның жоғары деңгейде ұйымдастырылғанын, баяндамалардың мазмұндылығын, көтерілген тақырыптардың өзектілігін және ұсынылған әдістемелік шешімдердің практикалық бағыттылығын атап өтті. Семинар тәжірибе алмасуға, педагогикалық білімді жаңартуға және ағылшын тілі мұғалімдерінің кәсіби қауымдастығын нығайтуға арналған тиімді алаң болды.

Семинардың диалогтық алаңы аясында қатысушылар авторлық бағдарламалар мен әдістемелік құралдардың тақырыптарын таңдауға қатысты өзекті сұрақтар қойып, спикерлер тарапынан жан-жақты, практикалық бағытталған жауаптар мен ұсыныстар алды.

Өңірлердің бірлескен жұмысы кәсібилік, инновация және білім сапасы сияқты ортақ құндылықтарға адалдықты айқындап, бәсекеге қабілетті мұғалімдер мен оқушылар буынын қалыптастыруға ықпал етеді.