Павлодар қаласындағы Бауыржан Момышұлы атындағы жалпы білім беру мектебінде оқушылардың рухани, мәдени және тұлғалық дамуына бағытталған арнайы апталық тәрбие жоспары жүзеге асырылуда

Аптаның әр күні белгілі бір бағытқа арналған: дүйсенбі күні Гимн орындалып, патриотизм туралы әңгіме жүргізіледі; сейсенбі – белсенділік күні; сәрсенбі – оқу және кітапқа қызығушылық күні; бейсенбі – ұқыптылық пен мектеп стилін сақтау күні; ал жұма – ұлттық рух пен дәстүрге құрмет көрсету күні ретінде аталып өтеді.

Бұл жұмысты сынып жетекшісі жүйелі түрде, күнделікті жүргізеді. Ол құндылықтарды оқушылардың күнделікті әдетіне айналдыруға бағытталған іс-шараларды ұйымдастыру, мәдени бастамаларды қолдау және жеке үлгі көрсету арқылы сыныпта тәртіпті, құрметті, кітап оқуға қызығушылықты, ұқыптылықты және ұлттық дәстүрлерге сүйіспеншілікті қалыптастырады. Осылайша аптаның әр күнінде жұмыс істейтін біртұтас тәрбиелік орта құрылады.