Ыстықкөл қаласындағы DARYA жазғы мектебі: Орталық Азиядағы кәсіптік білім берудің жаңа көкжиектері

Ыстықкөл жағасындағы мазмұнды төрт күн идеялар алаңы, тәжірибе алмасу мен шабыт ортасына айналды. Қазақстан, Қырғызстан, Тәжікстан, Түрікменстан және Өзбекстаннан келген 100-ден астам қатысушы — оқытушылар, колледж басшылары, министрлік өкілдері және SCAFFOLD жаттықтырушылары — кәсіби білім берудің даму болашағы үшін бас қосты.

Бағдарлама теориядан тәжірибеге дейінгі барлық бағыттарды қамтыды: қатысушылар ISATCOVE өзін-өзі бағалау құралы және SCAFFOLD әдістемесімен танысты. Кәсіби шеберлік орталықтарын (CoVEs) дамыту жолдары талқыланды және білім беруді еңбек нарығы сұранысына сәйкестендіру тәсілдері қарастырылды.

Жазғы мектепке DARYA бастамалары аясында пилоттық ұйым мәртебесіне ие Б.Ахметов атындағы жоғары педагогикалық колледждің қатысуы. Колледжден оқу-әдістемелік жұмыстар жөніндегі орынбасар, жаттықтырушы А.А.Смаилканова және DARYA SCAFFOLD байқауының жеңімпаздары — оқытушылар Г.А.Мешитбаева мен Б.М.Тулкина қатысты.

DARYA жазғы мектебі — ынтымақтастық, шығармашылық және өзара қолдауға мән беретін орта болып қалыптасты.