Ұялы байланыс пен мобильді интернеттің сапасын тексеру.

Байланыс қызметтерін көрсету сапасын бақылау - ҚР ЦДИАӨМ телекоммуникация комитеті қызметінің бағыттарының бірі. Осы бағыт шеңберінде Министрлік бекітілген әдістеме мен байланыс қызметтері сапасының көрсеткіштері негізінде ұялы байланыс желілерінің параметрлерін өлшеуді жүргізеді.

Телекоммуникация комитеті Қазақстан Республикасының облыс орталықтары мен ірі қалалары бөлінісінде бекітілген жоспар-кестелер негізінде ұялы байланыс және мобильді интернет сапасын тұрақты өлшеуді жүргізеді, сондай-ақ азаматтардың өтініштері негізінде байланыс сапасын жоспардан тыс тексеруді ұйымдастырады.

Ұялы байланыс желілерінің техникалық параметрлерін өлшеу және өңдеу арнайы жабдықталған жылжымалы кешендермен жүргізіледі. Бұл сымсыз байланыс арнасын өлшеу құралдарымен жабдықталған көлік. Айта кету керек, жылжымалы кешен сонымен қатар портативті жабдықтармен жабдықталған, сондықтан кешен мамандары үйлердің шатырына, тар көшелерге және т. б. жету қиын нысандарда өлшеулер жүргізе алады.

Өлшеу нәтижелері бойынша деректердің белгіленген нормаларға сәйкестігіне талдау жүргізіледі. Сәйкес келмеген жағдайда ұялы байланыс операторларына өз желілерін оңтайландыру бойынша ұсынымдар жіберіледі немесе ҚР ӘҚБтК шеңберінде әкімшілік айыппұлдар шығарылады.

Біздің облысымызға келетін болсақ, Павлодар облысының Цифрлық технологиялар басқармасы өңіраралық байланыс инспекциясымен, ҚР ЦДИАӨМ Шығыс Қазақстан және Павлодар облыстары бойынша телекоммуникациялар комитетімен бірлесіп, әзірленген жоспар-кестеге сәйкес ұялы байланыс сигналының және мобильді интернеттің сапасына тұрақты негізде мониторинг жүргізеді. Ағымдағы жылдың қыркүйек айында байланыс инспекциясы 9 тексеру жүргізді, онда 4 бұзушылық анықталды. Осы бұзушылықтар бойынша 500 АЕК бойынша 4 айыппұл жазылды, оның екеуі Кар-Тел ЖШС (Билайн), МобайлТелекомСервис ЖШС (Теле2,Алтел) және Кселл АҚ операторына. Сондай-ақ, осы бұзушылықтарды жою үшін нұсқамалар жіберілді және орындау мерзімдері белгіленді.

Байланыс пен мобильді интернеттің сапасы төмен болған жағдайда облыс азаматтары ресми немесе Е-Отиниш платформасы арқылы облыстың цифрлық технологиялар басқармасына немесе өңіраралық байланыс инспекциясына, ҚР ЦДИАӨМ Шығыс Қазақстан және Павлодар облыстары бойынша телекоммуникация комитетіне өтініш жібере алады.