Америкалық ғалымдар коронавирусты емдеу тәжірибесімен павлодарлық дәрігерлермен бөлісті

Павлодар облысының медицина қызметкерлері әлемге әйгілі Джонс Хопкинс Университетінің Медицина мектебінің ғылыми қызметкерлерінен білім алды. Тәжірибе алмасу вебинар режимінде өтті.

Уақыттың үлкен айырмашылығына қарамастан, тараптар онлайн-кездесу өткізіп, коронавирустық инфекцияны емдеудің қыр-сырын талқылай алды. Медицина докторы Бенджамин Боднар павлодарлық әріптестеріне тромбоз қаупі жоғары пациенттерде антикоагулянттық терапия және жүректің ишемиялық ауруы, қант диабеті және семіздік сияқты ілеспе аурулары бар пациенттерде қарқынды терапия туралы айтып берді.

Джонс Хопкинс университетінің пульмонология және реанимация саласындағы ғылыми қызметкері Ребекка Дезуб созылмалы өкпе патологиясы бар науқастарда өкпені жасанды желдетудің рөлі және өкпені жасанды жолмен желдетуді жүргізу кезіңдегі асқынулар туралы баяндама жасады. Сонымен қатар, М.Ғ. Д. covid-19 емдеудегі бактерияға қарсы терапия тәжірибесімен бөлісті.

- Вебинарда талқылаған кейбір мәселелер әлі күнге дейін даулы - бұл этиотропты, патогенетикалық емдеу, цитокиндік дауыл, респираторлық және бактерияға қарсы терапия мәселелері,-дейді Павлодар облысының штаттан тыс бас анестезиолог-реаниматологы Инна Гловацкая. - Мені антикоагулянттық терапия тақырыбы қызықтырды. Мен американдық мамандар оған қандай көрсетілімдер беретінін және қандай антикоагулянттарға артықшылық беретінін білгім келді. Олар біз сияқты дәрілерді - фракцияланбаған және төмен молекулалы гепариндерді қолданатыны белгілі болды.

Вебинарға медицина қызметкерлерінен басқа Қазақстанның Сан-Францискодағы бас консулы Азамат Әбдірайымов, Павлодар облысы әкімінің орынбасары Айзада Құрманова және облыс денсаулық сақтау басқармасының басшысы Айдар Ситказинов қатысты.

-Бізге АҚШ - тағы пациенттерді сұрыптау бойынша триаж-жүйесіне қандай тәсіл қажет екені қызық болды, - деді Айдар Ситказинов. - Жалпы, мұндай тәжірибе алмасу бүгінде коронавирустық инфекцияны емдеумен айналысатын медицина қызметкерлерімізге пайдалы болды. Біз covid-19 бар пациенттерге медициналық көмекті ұйымдастыру тұрғысынан дұрыс бағытта келе жатқанымызға көз жеткіздік.

Джонс Хопкинс Университеті-АҚШ-тың Мэриленд штатының Балтимор қаласында Джонс Хопкинс негізін қалаған жеке зерттеу университеті. Университеттің филиалдары қытайлық Нанкин мен итальяндық Болоньяда орналасқан. 2013 жылы бұл ЖОО әлем университеттерінің академиялық рейтингінде 17-ші орынға ие болды. Мұнда әр түрлі уақытта жұмыс істеген 36 Нобель сыйлығының лауреаттарының ғылыми-зерттеу жұмыстары осыған байланысты. Хопкинс университеті-әлемдегі ең көп айтылатындардың бірі. Бүгінгі таңда университет нақты уақыт режимінде коронавирустың бүкіл әлемде таралуын бақылайды.

Павлодар облысының денсаулық сақтау басқармасы