Павлодар облысы әкімдігінің Павлодар облысының денсаулық сақтау басқармасының шаруашылық жүргізу құқығындағы «Екібастұз қалалық ауруханасы» коммуналдық мемлекеттік кәсіпорнының Бақылау кеңесі, басшының бос лауазымына конкурс жариялайды.

Павлодар облысы әкімдігінің Павлодар облысының денсаулық сақтау басқармасының шаруашылық жүргізу құқығындағы «Екібастұз қалалық ауруханасы» коммуналдық мемлекеттік кәсіпорнының Бақылау кеңесі, басшының бос лауазымына конкурс жариялайды.

Конкурсты өткізу мерзімдері:

Конкурсқа қатысуға ниет білдірген тұлғалардан өтініштер мен құжаттарды

қабылдау, бұқаралық ақпарат құралдарында немесе « Павлодар облысының денсаулық сақтау басқармасы» ММ-нің интернет-ресурсында конкурс өткізу туралы хабарландыру жарияланған күннен бастап 15 (он бес) күнтізбелік күн ішінде жүргізіледі.

Конкурсты өткізетін орны: Қазақстан Республикасы, Павлодар облысы, Екібастұз қаласы, Торайғыров көшесі, 32.

Кәсіпорынның атауы: Павлодар облысы әкімдігінің Павлодар облысының денсаулық сақтау басқармасының шаруашылық жүргізу құқығындағы « Екібастұз қалалық ауруханасы» коммуналдық мемлекеттік кәсіпорны (бұдан әрі – Кәсіпорын).

Кәсіпорынның мекенжайы: Қазақстан Республикасы, Павлодар облысы, Екібастұз қаласы, Торайғыров көшесі,32, телефоны 8/7187/ 27-85-82.

Пошталық мекенжайы: Қазақстан Республикасы, Павлодар облысы, Екібастұз қаласы, Торайғыров көшесі, 32, пошталық индексі 141200.

Электрондық пошта: kense.egb@mail.ru.

Кәсіпорынның негізгі қызметінің қысқаша сипаттамасы: халықтың денсаулығын сақтау жөніндегі мемлекеттік бағдарламаларды орындау, аймақтағы халыққа арнайы медициналық көмек көрсету.

Кәсіпорын басшысының негізгі лауазымдық міндеттері:

Денсаулық сақтау ұйымының өндірістік, қаржы-шаруашылық қызметіне басшылық жасайды, қабылданатын басқарушылық шешімдерге, ұйым мүлкінің сақталуы мен тиімді пайдаланылуына, сондай-ақ қаржы-шаруашылық қызметінің нәтижелеріне жауапты болады.

Ұйым қызметінің саясатын, стратегиясын және оны іске асыру тетігін айқындайды. Көрсетілетін диагностикалық, емдеу және профилактикалық көмектің тиімділігі мен сапасын одан әрі арттыруға, көрсетілетін қызметтердің сапасы мен бәсекеге қабілеттілігін арттыруға бағытталған персонал жұмысының жаңа ұйымдастырушылық нысандары мен әдістерін енгізуді және қолданыстағыларын жетілдіруді қамтамасыз етеді.

Ұйымның құрылымдық бөлімшелерінің тиімді өзара іс-қимылын қамтамасыз етеді, олардың өзара іс-қимылдарын көрсетілетін медициналық қызметтерді дамытуға және жетілдіруге бағыттайды.

Білуі тиіс:

Қазақстан Республикасының Конституциясы, Қазақстан Республикасының Азаматтық кодексі, Қазақстан Республикасының Еңбек кодексі, "Халық денсаулығы және денсаулық сақтау жүйесі туралы" Қазақстан Республикасының Кодексі, "Әкімшілік құқық бұзушылық туралы" Қазақстан Республикасының Кодексі, "Мемлекеттік сатып алу туралы" Қазақстан Республикасының Заңы, "Сыбайлас жемқорлыққа қарсы іс-қимыл туралы" Қазақстан Республикасының Заңы, "Қазақстан Республикасындағы тіл туралы" Қазақстан Республикасының Заңы, "Өрт қауіпсіздігі қағидаларын бекіту туралы" Қазақстан Республикасы Төтенше жағдайлар министрінің 2022 жылғы 21 ақпандағы № 55 бұйрығы (нормативтік құқықтық актілерді мемлекеттік тіркеу тізілімінде № 26867 болып тіркелген);

қазіргі заманғы басқару қызметінің стратегиялық және ұйымдастырушылық аспектілері;

денсаулық сақтау ұйымдарының жоспарлы-экономикалық және қаржылық қызметінің негіздері;

басқарудың экономикалық әдістері және ұйым қызметін талдау;

медициналық қызметтер нарығының конъюктурасы;

денсаулық сақтаудағы адами ресурстарды басқарудағы үздік тәжірибелер;

халық денсаулығының жай-күйін сипаттайтын статистиканы, өлшемшарттар мен көрсеткіштері;

отандық медицинаның қазіргі заманғы ғылыми жетістіктері; денсаулық сақтауды басқарудағы үздік халықаралық тәжірибе;

еңбек қауіпсіздігі және еңбекті қорғау, өндірістік санитариялық және өртке қарсы қауіпсіздік қағидалары мен нормалары;

төтенше жағдайлар кезінде қызметті ұйымдастыру.

Конкурс қатысушыларына қойылатын талаптар:

«Денсаулық сақтау» даярлау бағыты бойынша жоғары білім, «Денсаулық сақтау менеджменті» (« Қоғамдық денсаулық сақтау») мамандығы бойынша біліктілікті арттырудың (қайта даярлаудың) сертификаттық курсынан өткені туралы куәлік және (немесе) тиісті мамандық бойынша біліктілікті беру туралы куәлік (немесе сертификат);

немесе «Денсаулық сақтау» даярлау бағыты бойынша жоғары білім, «Денсаулық сақтау» немесе «Бизнес және құқық» даярлау бағыты бойынша жоғары оқу орнынан кейінгі білім немесе ЕМВА (ЭмБиЭй) немесе full-time (Фултайм) дәрежесі;

немесе « Бизнес, басқару және құқық» даярлау бағыты бойынша жоғары білім және «Денсаулық сақтау» даярлау бағыты бойынша жоғары оқу орнынан кейінгі білім немесе ЕМВА (ЭмБиЭй) немесе full-time (Фултайм) дәрежесі;

денсаулық сақтау саласындағы менеджер сертификаты;

басшылық лауазымдағы жұмыс өтілі кемінде 2 жыл.

Конкурсқа қатысуға ниет білдірген тұлға, конкурс өткізу туралы хабарландыруда көрсетілген мерзімдерде мынадай құжаттарды ұсынады:

1) конкурсқа қатысу жөніндегі өтініш;

2) еркін нысанда жазылған өмірбаян;

3) білімі туралы құжаттардың көшірмелерін;

4) еңбек кітапшасының (егер бар болса) немесе еңбек шартының көшірмесі, қабылдау және еңбек шартын тоқтату туралы бұйрықтан үзінді көшірмесі немесе еңбек өтілін растайтын басқа құжат;

5) « Денсаулық сақтау саласындағы есепке алу құжаттама нысандарын бекіту туралы » ҚР Денсаулық сақтау министрінің міндетін атқарушы 2020 жылғы 30 қазандағы № ҚР ДСМ -175/2020 бұйрығымен бекітілген, 075/у нысан бойынша денсаулық жағдайы туралы анықтама;

6) ҚР Бас прокуратурасының құқықтық статистика және арнайы есепке алу жөніндегі комитетінің соттылығы жоқ екендігі туралы анықтама.

Конкурсқа қатысуға ниет білдірген тұлғалар, конкурсты жариялаған Кәсіпорынға, kense.egb@mail.ru. электрондық почта мекенжайына құжаттарды қабылдау мерзімі аяқталатын күнге дейін электрондық түрде құжаттарды ұсынады.

Құжаттардың түпнұсқалары әңгімелесу басталар алдында бір сағат бұрын кешіктірмей ұсынылады. Оларды ұсынбаған жағдайда, ол тұлға әңгімелесуден өтуге жіберілмейді.

Конкурсқа қатысушы оның білімі, еңбек өтілі, кәсіби даярлығы туралы қосымша ақпарат бере алады (біліктілігін арттыру туралы құжаттардың көшірмелері, ғылыми дәрежелер мен атақтар беру, ғылыми жарияланымдар, сондай-ақ алдыңғы жұмыс орнынан ұсыныстар және т.б.).