2021 жылғы 3 ақпан күні Нұр-Сұлтан қаласында геопортал әзірлеушілері «KAZGISA» ЖШС сәулет және қала құрылысы басқармасының басшысы С.Қ. Әбдірахмановпен Павлодар облысында геоақпараттық портал жүйесін енгізу бойынша мәселелерді талқылады.
Геоақпараттық портал нені білдіреді? Геоақпараттық портал – бұл қалалардың, аудандардың және ауылдық округтердің шекараларын көрсетумен, қалалардың бас жоспарларын, егжей-тегжейлі жоспарлау жобаларын, ауылдық елді мекендердің даму және құрылыс салу схемаларын байланыстырумен және жариялаумен пайдалы және өзекті картографиялық ақпараты бар заманауи көп функционалды веб-портал.
Портал жергілікті атқарушы органдар, коммуналдық қызметтер үшін де, халық үшін де қолайлы.
Сондай-ақ, геопорталдың көмегімен сәулет және қала құрылысы, жер қатынастары саласындағы 8 мемлекеттік көрсетілетін қызмет бойынша бір терезе қағидасы арқылы өтініш беруге және нәтижесін алуға болады:
Геопорталға қолжеткізу стандартты веб-браузер арқылы жүзеге асырылатын болады.
Бұдан басқа, кездесуде мемлекеттік қызметті көрсету барыстарын одан әрі жетілдіруге байланысты проблемалық мәселелер қозғалғанын, атап айтқанда геопорталды мемлекеттік жер кадастрының автоматтандырылған ақпараттық жүйесінің (МЖК ААЖ), жеке тұлғалардың мемлекеттік дерекқоры (ЖТ МДҚ), заңды тұлғалардың мемлекеттік дерекқоры (ЗТ МДҚ) мемлекеттік ақпараттық жүйелерімен біріктіру қажет екенін атап өткен жөн.
ХҚКО тарапынан халыққа геопортал арқылы мемлекеттік қызмет алу бойынша кеңес беруге жәрдемдесу бөлігінде қолдау көрсету мәселесін де шешу қажет.
Бүгінгі күні порталдың дайындығы 83,6 %-ды құрайды.