Хабарландыру Әсерді скринингтік бағалауды қарастыру туралы

Хабарландыру Әсерді скринингтік бағалауды қарастыру туралы

Қазақстан Республикасының Экологиялық кодексінің 55-бабының 6-тармағына сәйкес, Қазақстан Республикасының Экология және табиғи ресурстар министрлігіне стратегиялық экологиялық бағалау (СЭБ) жүргізу үшін келесі құжаттар (бұдан әрі – СЭБ материалдары) ұсынылды:

  • Құжат жобасы, онда оның негізгі бағыттары мен іске асыру мерзімдері туралы ақпарат қамтылған – «Павлодар облысы Ақсу қаласының бас жоспарын әзірлеу (түзету)» жобасы бойынша Жалпы түсіндірме жазба;
  • Құжатты іске асыру жоспарланған аумақтың сипаттамасы – «Павлодар облысы Ақсу қаласының бас жоспарын әзірлеу (түзету)» жобасы бойынша Жалпы түсіндірме жазба, сондай-ақ осы жобаға арналған әсерді скринингтеу есебі;
  • Құжатты іске асыру барысында қоршаған ортаға, халықтың өмірі мен (немесе) денсаулығына болуы мүмкін ықпалдың жалпы сипаттамасы – «Павлодар облысы Ақсу қаласының бас жоспарын әзірлеу (түзету)» жобасына арналған әсерді скринингтеу есебі.

СЭБ материалдарының әзірлеушісі: «Колдау» ЖШС

СЭБ материалдарының тапсырыс берушісі: «Павлодар облысының сәулет және қала құрылысы басқармасы» ММ

СЭБ әзірлеуге жауапты орган: Павлодар облысының әкімдігі

СЭБ материалдары бойынша қорытынды беретін уәкілетті орган: Қазақстан Республикасының Экология және табиғи ресурстар министрлігі

Қоғамның (барлық азаматтар мен заңды тұлғалардың) назарын келесі мәселелер бойынша пікірлер мен ұсыныстар білдіруге шақырамыз:

  1. Жобаларды іске асыру қоршаған ортаға елеулі әсер етуі мүмкін бе? Егер иә болса, бұл қандай әсерлер және неліктен оларды маңызды деп санайсыз?
  2. Жобаны бекітпес бұрын қоршаған ортаға және халық денсаулығына қандай ықпалдарды зерттеу қажет деп есептейсіз және не себепті?
  3. СЭБ жүргізу қажетті деп санайсыз ба? Қандай ақпарат сіз үшін маңызды және не себепті?
  4. Жобаларды іске асырудың қоршаған ортаға және халықтың денсаулығына әсер етуіне қатысты өзге де ескертулеріңіз бен ұсыныстарыңыз бар ма?

Стратегиялық құжаттың қолданылу мерзімі: 2045 жылға дейін

Уәкілетті орган: Қазақстан Республикасының Экология және табиғи ресурстар министрлігі

Ескертулер мен ұсыныстарды қабылдау мерзімі: 2025 жылғы 3 шілдеден 17 шілдеге дейін (соңғы қабылдау күні – 2025 жылғы 17 шілде)

Байланыс мәліметтері: Қазақстан Республикасының Экология және табиғи ресурстар министрлігі Астана қаласы, Мәңгілік Ел даңғылы, 8 Экологиялық саясат департаменті Тел.: +7 (7172) 74-02-83

E-mail: b.zhartybaeva@ecogeo.gov.kz, balzhan.sea@yandex.kz

Ескертулер мен ұсыныстарды жазбаша түрде электрондық пошта арқылы келесі мекенжайға жіберуге болады:
k.kense@ecogeo.gov.kz

Құжаттарыңыздың Канцелярияда қабылданғанын міндетті түрде келесі телефон арқылы нақтылау қажет:
+7 (7172) 74-08-44

СЭБ материалдары орналастырылған:

  • Министрліктің ресми сайтында (бөлім: «Қызмет» → «Негізгі құжаттар» → «Стратегиялық экологиялық бағалау»);
  • «Павлодар облысының сәулет және қала құрылысы басқармасы» ММ ресми сайтында.