Жас садақшылар турнирі

Наурыз мейрамын мерекелеу бойынша іс-шаралар жоспары аясында 7 - 9 жас аралығындағы қаланың жалпы білім беретін мектептерінің 30 жас садақшысы садақ ату шеберлігімен жарысты. Жарыс Павлодар қаласы білім беру бөлімінің «Жігер» балалар-жасөспірімдер клубының «Дос» клубында өткізілді.

Жас садақшылар мереке мен спорттық толқу атмосферасында жеңіске деген ерік-жігерін көрсете отырып, қалқан нысанасына дәл тигізуге тырысып, бар  ынталарымен жарысты.

- Бұл турнир жай ғана жарыс емес, балаларға өздерін көрсетуге, бәсекелестік рухын сезінуге, мерекеге қатысуға мүмкіндік болды. Бұл іс-шара оларды одан әрі спорттық жетістіктерге шабыттандырады деп үміттенеміз, - дейді «Дос» клубының жаттықтырушысы Егінбай Амангелді.

Қарқынды жарыс барысында үздіктердің үздіктері анықталды. Ұлдар арасында 9 жасар Азаматұлы Абдухаким турнир жеңімпазы атанды, екінші орынды 8 жасар Бутаков Радион, «Алтын сақа» инновациялық-шығармашылық орталығының тәрбиеленушілері иеленді, көшбасшылар үштігін «Дос» клубының тәрбиеленушісі 9 жасар Айдарғали Тұрар тұйықтады.

Қыздар арасында 9 жасар Омар Инкар турнир чемпионы атанды, тұғырдың үшінші сатысына 8 жасар Қайырбергенқызы Раяна, «Дос» клубының тәрбиеленушісі көтерілді, екінші орынды Б. Момышұлы атындағы мектептің оқушысы 9 жасар Қайдарбек Ханшайым жеңіп алды.

Жүлделі орындарға ие болған қатысушылар лайықты медальдармен марапатталды, барлық қатысушылар «Жігер» клубының грамоталарын алды.

Турнир Ұлыстың ұлы күні Наурыз мерекесіне орай ұйымдастырылған оқушылар үшін спорттық жарысқа айналды, ол жаңаруды, рух пен дәстүрдің күшін бейнелейді және өзінің жетістіктерімен есте қалады.

«Дос»клубының меңгерушісі Асем Акимбаева турнир ұйымдастырушыларына, жаттықтырушылар мен төрешілерге жас спортшылардың, қатысушылардың кәсіпқойлығы мен қолдауы үшін, ежелгі садақ ату өнеріне деген құштарлығы үшін алғысын білдірді.