Сынып жетекшісінің жүйелі жұмысы – сапалы білімнің кепілі

Қ. Бекқожин атындағы мектептің сынып жетекшісі – оқушының тұлғалық дамуына және оның білім сапасының артуына тікелей ықпал ететін негізгі педагог. Ол білім беру мен тәрбиелеуді ұштастырып, әрбір оқушыға қолдау көрсетеді және ата-аналар мен мектеп арасындағы тұрақты байланысты қамтамасыз етеді. Сонымен қатар, сынып жетекшісі маңызды тәрбиелік іс-шараларды үйлестіріп, сыныпта қолайлы психологиялық ахуал қалыптастырады, балалардың таланттары мен әлеуетін ашуына көмектеседі. Сынып жетекшісінің жүйелі әрі сауатты ұйымдастырылған жұмысы сапалы білімнің және оқушылардың табысты дамуының кепілі болып табылады.