Аса қауіпті инфекциялардың алдын алу

Тырысқақ, сарыбезгек және безгек ең қауіпті инфекциялардың қатарына жатады. Аурулар өмірлік маңызды мүшелердің зақымдалуымен, ауыр клиникалық ағымымен және өлім қаупінің жоғары болуымен сипатталады.Сонымен қатар мұндай ауруларды жұқтыру қарапайым профилактикалық шараларды сақтамаудың салдары болып табылады.1. Тырысқақ жұғу жолдары: шикі су, лас көкөністер мен жемістер, науқаспе нбайланыста.Тырысқақ ауруының негізгі тән белгілері құсу және бос нәжіс. Олар науқастың денесін сусыздандыруға әкеледі, бұл өмірге өте қауіпті. 2. Сары безгек – масалар арқылы таралатын жіті вирусты ауру. Негізгі белгілері: ауыр токсикоз, бас ауруы, геморрагиялық бөртпе, жедел бүйрек жеткіліксіздігі мен бірге жүретін жоғары температура. Вакцинация қауіпті аймаққа кетуден он күн бұрын жүргізілуі керек. Вакцинация туралы халықаралық сертификатсыз қолайсыз елдерге кету мүмкін емес. Вакцинация мерзімі - он жыл. 3. Безгек – субтропиктік жән етропиктік климаты бар елдерде жиі кездесетін ауыр ауру. Масалар да аурулардың тасымалдаушысы болып табылады. Негізгі белгілері: қалтырау, дене қызуының көтерілуі, әлсіздік, бас ауруы, қатты терлеу. Профилактикасы: тиісті безгекке қарсы препараттарды қабылдау. Масалардың шағуының алдын алу (қорғаныс киімдері, репелленттер, москит торлары). ИНФЕКЦИЯЛЫҚ АУРУЛАРДЫҢ ЖЕКЕ АЛДЫН АЛУ ҮШІН КЕЛЕСІЛЕРДІ ЕСКЕ АЛЫҢЫЗ: • тек кепілдік берілген қауіпсіз су мен сусындарды (қайнаған су, ауыз су және зауыттық қаптамадағы сусындар) пайдаланыңыз; • жемістер мен көкөністерді қауіпсіз ағынды сумен мұқият жуыңыз, қайнаған сумен күйдіріңіз; • арнайы белгіленген орындарда ғана шомылыңыз, ауызға суды жібермеңіз; • азық-түлік өнімдерін шыбын-шіркейден сақтаңыз, тамақты ашық қалдырмаңыз; • Азық-түлік өнімдерін ластанудан қорғауға ерекше назар аударыңыз.