Павлодар өңірлік кәсіпкерлер палатасының ұжымы коронавирус пандемиясымен күрес жөніндегі "Ел үшін егілемін" Республикалық азаматтық штабымен кездесу өткізді

«Біздің штабымыз тұрғындарға ақпараттың жаңа арналарын беру, оны түсінікті түрінде ұсыну жұмысымен айналысады», - дейді штаб жанындағы бастамашылық топ делегациясының құрамына кірген Заңгерлер одағының төрағасы Серік Беркамалов.

Оның айтуынша, бүгінгі таңда COVID-19 індетімен әлем бойынша сәтті күресіп жүрген мемлекеттердің бірі – Дания. Бұл елде індеттің үшінші толқыны да, адам өлімі де тіркелмеген.
«Бұған белсенді ұйымдастырылған вакцинация кампаниясы ықпал етті. Өйткені, жалпы тұрғындар санының 80%-і вакцина алған», - дейді спикер.

Павлодар облысы Кәсіпкерлер палатасының директоры Серік Сәдуақасовтың пікірінше, егер тұрғындарымыз, біздің кәсіпорындарымыздың ұжымдары коронавирус індетіне қарсы вакцина алса, өңіріміз қызыл аймақтан шығып, қалыпты өмірге оралатынымыз анық.

#Павлодароблысыкәсіпкерлерпалатасы
#РПППавлодар
#seriksadvakasov