Қараоба ауылдық округінің Әуелбек ауылында шағын индустриялық аймақ ашылды.

Мұнда шаштараздың ерлер мен әйелдер залдары, қас сәулетін жасауға болатын сұлулық салоны, сондай-ақ жиһаз шеберханасы, тігін және кондитерлік цехтар ашылды.
Әсем Қабиева "Бастау бизнес" бағдарламасы бойынша білім алғаннан кейін Сұлулық салонын ашуға Грант алды.
– Енді ауыл тұрғындарына қалаға барудың қажеті жоқ, шаштараз қызметін туған ауылынан да алуға болады, – дейді шаштараз Алтын Қыпшақбаева.
Ағаш шебері Саттар Нұртанов жиһаз шеберханасында ауылдастары үшін ас үй үстелдерін, орындықтар және т.б. жасауды жоспарлап отыр.