Павлодар облысында ПТР-тест өтпеген және вакцинация алмаған зауыт жұмысшыларына жұмысқа рұқсат беру шектеледі

Бүгін, 20 қыркүйекте Павлодар облысының бас санитарлық дәрігері Батырбек Әлиев жаңа қаулыға қол қойды, онда коронавирусқа қарсы вакцинасыз және ПТР-зерттеу нәтижелерінсіз азаматтарды облыстың өнеркәсіптік кәсіпорындарына жіберуді шектеу туралы жазылған, деп хабарлайды Павлодар-онлайн.
‌
Вакцинацияның және жеті күндік ПТР-дің міндетті болуынан тек вакцинацияға қарсы көрсетілімдері бар немесе соңғы үш айда COVID-19-мен ауыратындар босатылады.
‌
Бұдан басқа, жаңа қаулыда бұқаралық іс-шараларды, оның ішінде еске алу іс-шараларын өткізуге, сондай-ақ ойын-сауық мекемелерінің жұмысына тыйым салу сақталады. Театрлар, кинотеатрлар мен концерт залдары жұмыс істемейді. Спорттық іс-шараларды көрермендерсіз өткізуге рұқсат етіледі. ХҚКО-лар штаттық жұмыс режиміне оралады.
‌
Сондай-ақ, санитарлық дәрігер облыста қоғамдық орындарда бетперде режимі сақталатынын, қашықтықты, соның ішінде қоғамдық көлікте де сақтау керектігін еске салды. Респираторлық инфекцияның алғашқы белгілері пайда болған кезде жедел жәрдем шақыру керек деп айтылған.
‌
Фото иллюстрациялық
pavon.kz