Аққулы аудандық мәслихатының VII шақырылымы депутаттардың кезекті сайлауының қорытындылары туралы хабарлау

 

 

2021 жылғы 10 қаңтарда бірыңғай сайлау округінің аумағы бойынша Аққулы ауданы мәслихаты депутаттарының кезекті сайлауы өтті.

Аққулы ауданы бойынша сайлаушылар тізіміне 8523 азамат енгізіліп, оның 8097-сі немесе 95,0 пайызы сайлау бюллетеньдерін алды.

Дауыс беруге 8097 адам қатысты, оның ішінде есептен шығару куәліктері бойынша 1 сайлаушы дауыс берді, дауыс беруге арналған үй-жайлардан тыс жерде 352 сайлаушы дауыс берді.

Сайлауға 4 саяси партия қатысты.

Саяси партиялар үшін дауыс беру кезінде мынадай дауыс саны берілді:

"Nur Otan" партиясы - 5977 дауыс немесе дауыс беруге қатысқан сайлаушылар дауысының 74,66% - ын;

"Ауыл" Халықтық-демократиялық патриоттық партиясы - 925 дауыс немесе дауыс беруге қатысқан сайлаушылар дауысының 11,55% - ы;

Қазақстанның "Ақ Жол" демократиялық партиясы - 488 дауыс немесе дауыс беруге қатысқан сайлаушылар дауысының 6,10%;

"ADAL" саяси партиясы – 616 дауыс немесе дауыс беруге қатысқан сайлаушылар дауысының 7,69%.

Дауыс беруге қатысқан сайлаушылар дауысының жеті және одан да көп пайызын алған саяси партиялар үшін депутаттық мандаттарды мынадай бөлу белгіленді:

"Nur Otan" партиясы - 8 мандат;

"Ауыл" Халықтық-демократиялық патриоттық партиясы - 1 мандат;

"ADAL" саяси Партиясы - 1 мандат.

 

Аққулы аудандық аумақтық сайлау комиссиясы