«Құқық тәртібі әліппесі»: Теміртау қаласында құқықтық мәдениетті арттыру

Теміртау қаласының прокуратурасында «Құқық тәртібі әліппесі» атты іс-шара өтті, ол «Заң және тәртіп» бастамасы аясында ұйымдастырылды. Кездесуге қатысушылар азаматтардың құқықтық мәдениетін арттыруға және заңдарға құрмет қалыптастыруға бағытталған негізгі принциптермен танысты.

Іс-шараға қала белсенділеру, жастар ұйымдарының өкілдері және қалалық мәслихат депутаттары қатысты. Барлық қатысушылар прокуратура қызметінің бағыттарымен егжей-тегжейлі танысуға, құқық тәртібі бойынша өзекті мәселелерді талқылауға, қызықты сұрақтарын қоюға және пікір алмасуға мүмкіндік алды.

 

Мұндай ашық диалог алаңдары қоғам үшін маңызды рөл атқарады: олар құқықтық сауаттылықты дамытуға, азаматтар мен мемлекеттік органдар арасындағы сенімді нығайтуға, сондай-ақ жастардың белсенді азаматтық ұстанымын қалыптастыруға ықпал етеді.

Іс-шара мемлекеттік органдар мен қоғам өкілдерінің заңдылықты күшейту және қалалық тәртіпті сақтау ісіндегі бірлескен жұмысының маңыздылығын тағы бір мәрте дәлелдеді.