«Қарағанды облысы Осакаров

ауданының ішкі саясат бөлімі»

мемлекеттік мекемесінің

Ережесін бекіту туралы

 

 

Қазақстан Республикасының «Қазақстан Республикасындағы жергілікті мемлекеттік басқару және өзін-өзі басқару туралы» Заңының 38-бабы 4-тармағына, Қазақстан Республикасының «Мемлекеттік мүлік туралы» Заңының 18-бабы 8) тармақшасына, Қазақстан Республикасы Үкіметінің 2021 жылғы 1 қыркүйектегі «Мемлекеттік органдар мен олардың құрылымдық бөлімшелерінің қызметін ұйымдастырудың кейбір мәселелері туралы» № 590 қаулысына сәйкес, Осакаров ауданының әкімдігі ҚАУЛЫ ЕТЕДІ:

1. «Қарағанды облысы Осакаров ауданы ішкі саясат бөлімі» мемлекеттік мекемесінің қоса беріліп отырған Ережесі жаңа редакцияда бекітілсін.
2. Осакаров ауданы әкімінің 2020 жылғы 11 наурыздағы №13/09 «Қарағанды облысы Осакаров ауданының ішкі саясат бөлімі» мемлекеттік мекемесінің Ережесін бекіту туралы» қаулысы жойылсын.

3.Осакаров ауданы ішкі саясат бөлімінің басшысы заңнамада белгіленген тәртіппен:

1) осы Ережені әділет органдарында мемлекеттік тіркеу;

2) осы қаулыдан туындайтын өзге де қажетті шаралар қолдансын.

4. Осы қаулының орындалуын бақылау аудан әкімінің орынбасары А.Шалабаеваға жүктелсін.
5. Осы қаулы оның алғышқы ресми жариялған күнінен кейін күнтізбелік он күн өткен соң қолданысқа енгізіледі.

 

 

Аудан әкімі                                                  Р. Нурмуханбетов

 

 

Орын.:В.Абилсеитова

87214924005

 

 

Осакаров ауданы әкімдігінің 2023 жылғы   «___» _______ № ____ қаулысымен бекітілген

«Осакаров  ауданының ішкі саясат бөлімі»

 мемлекеттік мекемесінің Ережесі

 

1. Жалпы ережелер

 

1. «Осакаров ауданының ішкі саясат бөлімі» мемлекеттік мекемесі әлеуметтік және экономикалық процесстерін басқару саласында басшылық ететін, реформаларды тереңдету бойынша Үкіметтің шараларын іске асыру механизмін жетілдіретін және Қазақстан Республикасы Президентінің саясатын жүргізетін Қазақстан Республикасының мемлекеттік органы болып табылады.
2. «Осакаров ауданының ішкі саясат бөлімі» мемлекеттік мекемесінің мынадай ведомствосы бар:

      1) «Осакаров ауданының Жастар Ресурстық Орталығы» коммуналдық мемлекеттік мекемесі.

3. Бөлім өз қызметін Конституцияға, Қазақстан Республикасының заңдарына, Қазақстан Республикасы Президенті мен Үкімет актілеріне, басқа да нормативтік құқықтық актілерге, сондай-ақ осы Ережеге сәйкес жүзеге асырады.
4. «Осакаров ауданының ішкі саясат бөлімі» мемлекеттік мекемесі ұйымдастыру-құқықтық нысанында заңды тұлғасы болып табылады, Қазақстан Республикасының Мемлекеттік елтаңбасы бейнеленген мөрі және мемлекеттік тілде өзінің атауы жазылған мөртаңбасы, бекітілген нысандағы бланкілері, сондай-ақ Қазақстан Республикасының заңнамасына сәйкес қазынашылық органдарында есеп шоты бар.
5. «Осакаров ауданының ішкі саясат бөлімі» мемлекеттік мекемесі өзінің жеке атынан азаматтық-құқықтық қатынастарға шығады.
6. «Осакаров ауданының ішкі саясат бөлімі» мемлекеттік мекемесінің ішкі саясат саласындағы заңнамада, сондай-ақ осы Ережеде белгіленген құзыреті шегінде мемлекет атынан азаматтық-құқықтық қатынастардың тарапы болуға құқығы бар.
7. «Осакаров ауданының ішкі саясат бөлімі» мемлекеттік мекемесі белгіленген заңнама тәртібінде өз құзыретінің мәселелері бойынша басшының бұйрығымен және Қазақстан Республикасының заңнамаларымен қарастырылған және басқада актілермен ресімделген шешімдер қабылдай алады.
8. «Осакаров ауданының ішкі саясат бөлімі» мемлекеттік мекемесінің құрылымы және штаттық санының лимиті күші бар заңнамаға сәйкес бекітіледі.
9. Заңды тұлғаның орналасқан жері: Қазақстан Республикасы, 101000, Қарағанды облысы, Осакаров ауданы, Осакаровка кенті, Алаш көшесі 5.
10. Бөлімнің толық атауы:

      мемлекеттік тілде – «Осакаров ауданының ішкі саясат бөлімі» мемлекеттік мекемесі;

      орыс тілінде – государственное учреждение «Отдел внутренней политики Осакаровского района».

11. «Осакаров ауданының ішкі саясат бөлімі» мемлекеттік мекемесінің құрылтайшысы Осакаров ауданының әкімдігі атынан мемлекет болып табылады.
12. Осы Ереже «Осакаров ауданының ішкі саясат бөлімі» мемлекеттік мекеменің құрылтай құжаты болып табылады.
13. Бөлімнің қызметін қаржыландыру жергілікті бюджеттен жүзеге асырылады.
14. «Осакаров ауданының ішкі саясат бөлімі» мемлекеттік мекемесіне кәсіпкерлік субьектілерімен мемлекеттік мекемесінің функциялары болып табылатын міндеттерді орындау тұрғысында шарттық қатынастарға түсуге тыйым салынады.

      Егер «Осакаров ауданының ішкі саясат бөлімі» мемлекеттік мекемесіне қызмет кірісін әкелетін заңнамалық актілермен жүзеге асыру құқығы берілсе, онда осындай қызметтерден алынған кірістер, мемлекеттік бюджет кірісіне жіберіледі.

 

2. «Осакаров ауданының ішкі саясат бөлімі» мемлекеттік мекемесінің миссиясы, негізгі міндеттері, функциялары, құқықтары мен міндеттері

 

15. Миссиясы:

      Ішкі саясат саласында жүргізіліп жатқан мемлекеттік саясаттың бағытына қоғамдық және саяси қолдау көрсету,аудандағы қоғамдық саяси ахуалды нығайтуға бағытталған ақпараттық насихаттау жұмыстарын өткізу үшін жүргізіліп жатқан реформаларды насихиттау арқылы жұмыс жасап жатқан биліктің әлеуметтік базасын кеңейту, аудан тұрғындарының әлеуметтік оптимизімін қалыптастыру, азаматтық қоғам институттарын қолдау және дамыту, өңірдегі ақпараттық кеңістіктің бәсекеге қабілеттілігінін арттыру.

16. Міндеттері:

      1) қоғамдық саяси тұрақтылықты қамтамасыз ету бойынша мемлекеттік саясатты қалыптастыру және іске асыру, сондай-ақ, мемлекеттік егемендікті нығайту, қоғамдық үрдістер мен қоғамның бірігуін демократияландыру;

      2) мемлекеттің ішкі саясатын іске асыру бойынша мемлекеттік және лауазымдық тұлғалардың жұмыстарын, сондай-ақ Қазақстан Республикасы Президентінің, Үкіметтің, облыс пен аудан әкімінің тапсырмаларын үйлестіру;

      3) қоғамның демократиялық институттарын нығайту, Қазақстанның 2030 жылға дейінгі даму Стратегиясының негізгі басымдықтарын түсіндіру және насихаттау;

       4) ауданда болып жатқан қоғамдық – саяси үрдістер мен тенденциялардың дамуын жаң-жақты және объективті түрде зерттеп, жинақтап қорыту және талдау;

      5) аудан деңгейінде мемлекеттік ақпараттық саясатты іске асыру, мемлекеттік тапсырысты орындау бойынша бұқаралық ақпарат құралдарының қызметін үйлестіру;

      6) аудандағы қоғамдық саяси жағдайларды болжауға бағытталған социологиялық және саяси зерттеулер жүргізу;

      7) қоғамдық бірлестіктермен, саяси партиялармен, қоғамдық – саяси және діни ұйымдармен, кәсіподақтармен, бұқаралық ақпарат құралдарымен, қоғамдық өкілдерімен өзара әрекет жасау.

      8) коммерциялық емес ұйымдар туралы Қазақстан Республикасының заңнамасын бұзғаны үшін, әкімшілік құқық бұқушылық туралы хаттамалар жасау.

17. Функциялары:

      1) әкімдіктің ауданда ақпарат тарату жүйесін жетілдіру, билік органдарының қоғамдық - саяси және экономикалық саладағы қызметі туралы жұмысына қатысу;

      2) республикалық және жергілікті қоғамдық-саяси мәдени іс-шараларды саяси қамтамасыз етуді жүргізеді;

      3) әкімдік отырыстарына ауданның ішкі саяси өмірі мәселелеріне материалдар дайындауға қатысу;

      4) ақпараттық деректер базасын (компьютерлік, мәтіндік) қалыптастыру, жинақтау жөніндегі жұмысты жүзеге асыру;

     5) саяси партиялармен, ұлттық мәдени бірлестіктермен, құқық қорғау, діни және басқа да қоғамдық ұйымдармен байланыстарды жүзеге асырады;

      6) ауданда саяси партиялардың, қоғамдық бірлестіктердің, ұлттық - мәдени орталықтардың, үкіметтік емес ұйымдардың қатысуымен отырыстар, «дөңгелек үстелдер», конференциялар, кездесулер, акциялар және басқа да іс-шаралар өткізуді жоспарлау және ұйымдастыру;

       7) діни бірлестіктердің қызметін талдау және зерделеу, діни бірлестіктер туралы деректер банкін толықтыру, экстремистер мен шетелдік миссионерлердің діни ортаға енуіне жол бермеу мақсатында олармен байланыста болу, конфессияаралық қақтығыстарға жол бермеу;

      8) қоғамдық бірлестіктердің, оның ішінде үкіметтік емес ұйымдардың қызметін талдау және зерделеу, қоғамдық және үкіметтік емес ұйымдар туралы компьютерлік деректер базасын жедел режимде қалыптастыру және қолдау, қоғамдық және үкіметтік емес ұйымдардың қатысуымен семинарлар, конференциялар, «дөңгелек үстелдер», акциялар ұйымдастыру және өткізу, ардагерлер ұйымдарымен өзара іс-қимылды жүзеге асыру;

      9) Қазақстан Республикасы Президентінің әкімшілігі бекіткен іс-шаралар қатарын және аудан әкімінің ішкі саясат саласындағы іс-қимыл жоспарын ескере отырып, ауданда ақпараттық - түсіндіру жұмыстарын медиа - жоспарлауды жүзеге асыру және үйлестіру;

      10) мемлекеттік тапсырыстың іске асырылуын ұйымдастыру және бақылау, өңірлік бұқаралық ақпарат құралдарында, оның ішінде тәуелсіз бұқаралық ақпарат құралдарында ақпараттық саясат жүргізу;

      11) күн тәртібінің негізгі мәселелері бойынша медиа-жоспарларды, пресс-релиздерді дайындау, бұқаралық ақпарат құралдарының дайджесттерін қалыптастыру;

       12) мемлекеттік басылымдарға жазылуды ұйымдастыру, аудан әкімінің осы мәселе бойынша кеңестерін, тапсырмаларын дайындау;

        13) баспа және электрондық бұқаралық ақпарат құралдарының мониторингін жүргізу, деректер банкін жедел режимде қалыптастыру және қолдау;

         14) ақпараттық-насихаттау топтарының жұмысын ұйымдастыру, мемлекеттің ішкі саясатының негізгі бағыттарын түсіндіру, оларды әдістемелік материалдармен қамтамасыз ету;

         15) «Қазақстан 2030» Стратегиясын, Қазақстан Республикасы Президентінің жыл сайынғы Жолдаулары мен сөз сөйлеулерін, мемлекет, аудан өмірінің ішкі саясатын түсіндіру және іске асыру жөніндегі жұмысты ұйымдастыру, ішкі саясат басқармасына тоқсан сайынғы талдамалық есептерді дайындау;

         16) аудан халқының қоғамдық пікірінің мониторингі, әлеуметтік шиеленіс ошақтарын анықтау;

          17) ауданның мекемелерінде, ұйымдарында, оқу орындарында Қазақстан Республикасының Мемлекеттік рәміздерін насихаттау және қолдану жөніндегі жұмысты ұйымдастыру;

         18) ауданда көрнекі үгіт және жарнама құралдарының қоғамдық-саяси мазмұны мен орналастырылуына мониторинг жүргізу;

         19) жастар саясаты саласындағы аудандық бағдарламаны әзірлеуге және іске асыруға қатысу;

          20) аудан әкімі жанындағы Жастар кеңесінің жұмысына қатысу;

          21) жастар арасында қоғамдық-саяси, әскери - патриоттық, мәдени - бұқаралық іс-шаралар өткізуді саяси қамтамасыз ету, салауатты өмір салтын насихаттау, жастар арасында қылмыстың алдын алу жөніндегі жұмысты ұйымдастыру, акциялар, «дөңгелек үстелдер»;

          22) қоғамдық медиаторлар тізілімін жүргізу;

          23) Қазақстан Республикасының Коммерциялық емес ұйымдар туралы заңнамасын бұзғаны үшін әкімшілік құқық бұзушылық туралы хаттама жасау;

          24) Осакаров ауданы Қазақстан халқы Ассамблеясының Қоғамдық келісім Кеңестерімен, аналар кеңестерімен өзара іс-қимыл жасау;

         25) «Медиация туралы»  Қазақстан Республикасының Заңын іске асыру;

         26) қоғамдық медиаторлар тізілімін жүргізу;

          27) мемлекеттің отбасылық-демографиялық саясатын насихаттау, әйелдер мен балаларды отбасындағы, қоғамдағы отбасылық-тұрмыстық зорлық-зомбылықтан қорғауға бағытталған заңдарды күшейту жөніндегі жұмысты ұйымдастыру;

         28) сыбайлас жемқорлыққа қарсы іс-қимыл тақырыбы бойынша Мемлекеттік әлеуметтік тапсырысты орындау, оның ішінде конкурстық рәсімдерді өткізу және жобалардың іске асырылу барысын бақылау;

        29) Қазақстан Республикасының қолданыстағы заңнамасында көзделген өзге де функцияларды жүзеге асырады.

18. Бөлімінің құқықтары мен міндеттері:

       1) ішкі саясат саласындағы реттеу мәселелері бойынша ауданның мемлекеттік мекемелерімен өзара іс-қимыл жасауға;

      2) «Осакаров ауданының ішкі саясат бөлімі» мемлекеттік мекемесінің жанынан қолданыстағы заңнамада және Қазақстан Республикасының нормативтік актілерінде көзделген комиссиялар құрылуы мүмкін;

      3) жұмыс істеу үшін қажетті қосымша ақпарат алу үшін тиісті мемлекеттік органдарға сұрау салуға;

      4) қызметкерлердің біліктілігін арттыруды және оларды қайта даярлауды қамтамасыз етуге міндетті;

     5) Қазақстан Республикасының қолданыстағы заңнамасында көзделген өзге де құқықтарды жүзеге асырады.

      Міндеттері:

      1) жергілікті бюджетті бекіту (нақтылау) кезінде аудандық мәслихат сессияларының жұмысына қатысуға;

      2) мемлекеттік органдардан «Осакаров ауданының ішкі саясат бөлімі» мемлекеттік мекемесіне жүктелген функцияларды орындау үшін қажетті ақпараттық, әдістемелік, нормативтік материалдарды, статистикалық деректерді алуға міндетті;

     3) «Осакаров ауданының ішкі саясат бөлімі» мемлекеттік мекемесінің құзыретіне жататын мәселелерді шешу жөнінде аудан әкімінің қарауына ұсыныстар енгізуге;

      4) «Осакаров ауданының ішкі саясат бөлімі» мемлекеттік мекемесінің құзыретіне жатқызылған мәселелер бойынша жоғары тұрған органға тиісті ақпарат беруге;

     5) жеке және заңды тұлғалардың шағымдары мен өтініштерін қарау;

     6) Қазақстан Республикасының қолданыстағы заңнамасына сәйкес өзге де міндеттерді жүзеге асырады.

 

3. «Осакаров ауданының ішкі саясат бөлімі»

мемлекеттік мекемесінің қызметін ұйымдастыру

 

19. «Осакаров ауданының ішкі саясат бөлімі» мемлекеттік мекемесінің басшылығын бөлімге жүктелген міндеттердің орындалуына және оның функцияларын жүзеге асыруға дербес жауапты болатын басшы жүзеге асырады.
20. «Осакаров ауданының ішкі саясат бөлімі» мемлекеттік мекемесінің басшысын аудан әкімі қызметке тағайындайды және қызметтен босатады.
21. «Осакаров ауданының ішкі саясат бөлімі» мемлекеттік мекемесі басшысының өкілеттігі.
22. «Осакаров ауданының ішкі саясат бөлімі» мемлекеттік мекемесінің қызметіне басшылық жасау және оның алдында тұрған міндеттердің орындалуын қамтамасыз ету.
23. Бөлімнің жұмысын ұйымдастырады және басқарады, бөлімге жүктелген міндеттердің орындалуына және оның функцияларын жүзеге асыруға дербес жауапты болады:

1) бөлім мамандарының міндеттерін айқындайды;

2) заңнамаға сәйкес (жекелеген жағдайларда және жоғары тұрған мемлекеттік орган бекітетін лауазымдар номенклатурасына) бөлім қызметкерлерін, жастар ресурстық орталығының басшысын қызметке тағайындайды және қызметтен босатады;

3) заңнамада белгіленген тәртіппен бөлім қызметкерлері мен жастар ресурстық орталығы басшысын көтермелеу, материалдық көмек көрсету және тәртіптік жаза қолдану мәселелерін шешеді;

4) бөлімнің актілеріне қол қояды;

5) бөлімді мемлекеттік органдарда, өзге де ұйымдарда ұсынады;

6) Қазақстан Республикасының қолданыстағы заңнамасына сәйкес өзге де өкілеттіктерді жүзеге асырады.

24. «Осакаров ауданының ішкі саясат бөлімі» мемлекеттік мекемесінің басшысы болмаған кезеңде оның өкілеттіктерін Қазақстан Республикасының қолданыстағы заңнамасына сәйкес оны алмастыратын тұлға орындайды.

   

4. Мемлекеттік органның мүлікі

 

25. «Осакаров ауданының ішкі саясат бөлімі» мемлекеттік мекемесінің Қазақстан Республикасының заңнамасында көзделген жағдайларда жедел басқару құқығында оқшауланған мүлкі болуы мүмкін.

«Осакаров ауданының ішкі саясат бөлімі» мемлекеттік мекемесінің мүлкі оған меншік иесі берген мүлік, сондай-ақ өз қызметі нәтижесінде сатып алынған мүлік (ақшалай кірістерді қоса алғанда) және Қазақстан Республикасының заңнамасында тыйым салынбаған өзге де көздер есебінен қалыптастырылады.

26. «Осакаров ауданының ішкі саясат бөлімі» мемлекеттік мекемесіне бекітілген мүлік коммуналдық меншікке жатады.
27. Егер Қазақстан Республикасының заңнамасында өзгеше белгіленбесе, «Осакаров ауданының ішкі саясат бөлімі» мемлекеттік мекемесінің өзіне бекітілген мүлікті және оған қаржыландыру жоспары бойынша берілген қаражат есебінен сатып алынған мүлікті өз бетінше иеліктен шығаруға немесе оған өзге тәсілмен билік етуге құқығы жоқ.

 

     

5. Мемлекеттік органды қайта құру және тарату

 

28. «Осакаров ауданының ішкі саясат бөлімі» мемлекеттік мекемесін тарату және қайта құру Қазақстан Республикасының заңнамасына сәйкес жүзеге асырылады.