«№1 Тайынша қаласының жалпы білім беретін мектебінде» ұлттық мереке Амал мерекесі – Көрісу күніне арналған мерекелік іс-шара өтті. Іс-шараның құрметті қонағы Тайынша ауданының әкімі Берек Альжанов болды. Ол мектепке арнайы келіп, оқушылар мен педагогтерді мерекемен құттықтады. Өз сөзінде баршаға зор денсаулық, амандық, оқуда және еңбекте табыс тіледі. Мерекелік бағдарлама жарқын әрі мазмұнды өтті. Іс-шара барысында әндер шырқалып, оқушылар өлеңдер оқыды, ал қыздар қазақ халқының ұлттық дәстүрін бейнелейтін әсем ұлттық би орындады. Іс-шара жоғары ұйымдастырушылық деңгейде өтіп, қатысушыларға көтеріңкі көңіл күй сыйлады. Сонымен қатар ұлттық дәстүрлер мен мәдениетті сақтауға және насихаттауға өз үлесін қосты.