МАҢЫЗДЫ ШЕШІМДЕР ҚАБЫЛДАНДЫ

Бүгін «AMANAT» партиясы Ордабасы аудандық филиалында Саяси кеңес Бюросының кезекті отырысы өтті.

Жиынға аудандық партия филиалының төрағасы Әлиасқар Бердімұрат, аудандық мәслихат төрағасы Бақдәулет Жұмабеков, Бюро мүшелері, жауапты бөлім басшылары, партия қызметкерлері қатысты.

Күн тәртібінде маңызды мәселелер қаралды:

1. «AMANAT» партиясының Ордабасы ауданы бойынша 2023–2027 жылдарға арналған сайлауалды бағдарламасының орындалу барысы жөнінде аудандық құрылыс, сәулет және қала құрылысы бөлімінің есебі тыңдалды;

2. Қысқы маусымға дайындық пен сайлауалды бағдарламаның негізгі бағыттарын іске асыру барысы жөнінде аудандық тұрғын үй-коммуналдық шаруашылық, жолаушылар көлігі, автомобиль жолдары және тұрғын үй инспекциясы бөлімінің есебі қаралды.

Есептерді талқылау барысында Бюро мүшелері нақты сұрақтар қойып, өзекті ұсыныстар білдірді. Есеп берушілер тарапынан қойылған сауалдарға толық әрі дәйекті жауаптар ұсынылды.

Отырыс қорытындысы бойынша нақты қаулы қабылданып, жауапты бөлімдерге нақты тапсырмалар жүктелді.

Бұл – аудан тұрғындарының игілігі үшін жасалып жатқан жүйелі жұмыстардың бір көрінісі. «AMANAT» партиясы халық алдындағы уәдесін орындауды басты мақсат етіп, елдің аманатын ақтауға бар күш-жігерін арнай береді.