ХАБАРЛАМА Қарағанды облысының Қарқаралы ауданында шаруа немесе фермер қожалығын, ауыл шаруашылығы өндірісін жүргізу үшін уақытша өтеулі жер пайдалану (жалға алу) құқығын беру бойынша конкурс өткізу туралы

13.02.2023 жыл

 

      Қазақстан Республикасы Жер Кодексінің  43-1 бабын және Қазақстан Республикасы Ауыл шаруашылығы министрінің 2018 жылғы 20 желтоқсандағы № 518 бұйрығы басшылыққа ала отырып,

  

2023 жылдың 13 сәуір сағат 10-00 де Қарағанды облысы, Қарқаралы ауданы, Т.Әубәкіров көшесі 23 мекен жайда орналасқан Қарқаралы ауданы әкімдігінің акт залында шаруа немесе фермер қожалығын, ауыл шаруашылығы өндірісін жүргізу үшін уақытша өтеулі жер пайдалану (жалға алу) құқығын беру жөніндегі конкурс өткізіледі.

 

Конкурсқа қатысу үшін келесі құжаттар тапсырылады:

      1) конкурсқа қатысуға арналған өтінім;

      2) конкурстық ұсыныс.

    Конкурсқа қатысуға өтінімдерді қабылдау және тіркеу 2023 жылғы  20 наурызынан 2023 жылғы 12 сәуір күнгі сағ:18-30-ға  дейін "Қарқаралы ауданының жер қатынастары, сәулет және қала құрылысы бөлімі" мемлекеттік мекемесінде қабылданады, орналасқан мекен-жайы: Қарағанды облысы, Қарқаралы ауданы, Ә. Бөкейханов көшесі, 40.

    Конкурсқа қатысуға өтінім қағаз жеткізгіште қолма-қол не пошта арқылы немесе "электрондық үкімет" веб-порталы арқылы өтінімдерді ұсыну мерзімі аяқталғанға дейін беріледі.   

   Шаруа немесе фермер қожалығын, ауыл шаруашылығы өндірісін жүргізу үшін уақытша өтеулі жер пайдалану (жалға алу) құқығын беру жөніндегі конкурсқа қатысуға өтінімде:

      1) Қазақстан Республикасының мемлекеттік емес заңды тұлғалары үшін – заңды тұлғаның атауы, оның тұрған жері, заңды тұлға ретінде мемлекеттік тіркелуі (қайта тіркелуі) туралы мәліметтер, жарғылық капиталдағы (жарғылық капиталдың жалпы мөлшерінен) үлестерінің мөлшері көрсетіле отырып, өтінім берушінің – заңды тұлғаның басшылары мен қатысушылары немесе акционерлері туралы мәліметтер, өтінім берушінің үлестес тұлғалары туралы мәліметтер;

      2) жеке тұлғалар үшін – өтінім берушінің тегі, аты және әкесінің аты (егер ол жеке басын куәландыратын құжатта көрсетілген болса), тұрғылықты жері, азаматтығы, жеке сәйкестендіру нөмірі, өтінім берушінің жеке басын куәландыратын құжат туралы мәліметтер;

      3) өтінім беруші үміттеніп отырған жер учаскесінің орналасқан жері;

      4) конкурстық ұсыныс;

      5) өтінім беруші шаруа немесе фермер қожалығын, ауыл шаруашылығы өндірісін жүргізу үшін уақытша өтеулі жер пайдалану (жалға алу) құқығын беру жөніндегі конкурстың жеңімпазы деп танылған жағдайда, шаруа немесе фермер қожалығын не ауыл шаруашылығы өндірісін жүргізу үшін ауыл шаруашылығы мақсатындағы жер учаскесін уақытша өтеулі жер пайдалану (жалға алу) шартына қол қою қажеттігі туралы хабарламаны алған күннен бастап үш жұмыс күні ішінде көрсетілген шартты жасасу жөніндегі міндеттеме қамтылуға тиіс.

     Конкурсқа хабарламада белгіленген мерзімнен кешіктірмей конкурсқа қатысуға өтінімді ресімдеген шетелдік заңды тұлғалардан, сондай-ақ жарғылық капиталындағы шетелдіктердің, азаматтығы жоқ адамдардың, шетелдік заңды тұлғалардың үлесі елу пайыздан астамды құрайтын заңды тұлғалардан басқа, белгіленген тәртіппен тіркелген Қазақстан Республикасының азаматтары және мемлекеттік емес заңды тұлғалар жіберіледі.

 

Конкурсқа төменде келтірілген кестеде көрсетілген мынадай жер учаскелері қойылады:

№	Жер учаскесінің орналасқан ауылдық округ атауы (лот № )	Жалпы алаңы, га	Алқаптардың құрамы   оның ішінде						Жалға алу мерзімі, жыл	Жер учаскесінің сипаттамасы (топырақ түрі), орташа балл бонитет	Сумен қамтамасыз етілуі	Өңірдің ауыл шаруашылық мамандануы
			барлық егістік	оның ішінде суар малы егістік	Барлық жайы лым	оның ішіндеТЖ жайылым	ша бын дық	басқа алқап тар
1	Жаңатоған а/о Лот №16	939,0	-	-	920,0	-	-	19,0	20 жыл	Қою қызыл топырақтар	Қамтамасыз етілмеген	мал шаруашылығы
2	Жаңатоған а/о Лот №17	1000,0	-	-	728,0	-	265,0	7,0	20 жыл	Қою қызыл топырақта,	Қамтамасыз етілмеген	мал шаруашылығы
3	Жаңатоған а/о Лот №18	1000,0	-	-	970,0	-	25,0	5,0	20 жыл	Қою қызыл топырақтар	Қамтамасыз етілмеген	мал шаруашылығы
4	Жаңатоған а/о Лот №19	1200,0	-	-	1140,0	-	50,0	10,0	20 жыл	Қою қызыл топырақтар	Қамтамасыз етілмеген	мал шаруашылығы
5	Жаңатоған а/о Лот №20	1250,0	-	-	1078,0	-	165,0	7,0	20 жыл	Қою қызыл топырақтар	Қамтамасыз етілмеген	мал шаруашылығы
6	Жаңатоған а/о Лот №21	1250,0	-	-	1136,0	-	105,0	9,0	20 жыл	Қою қызыл топырақтар	Қамтамасыз етілмеген	мал шаруашылығы
7	Қайнарбұлақ а/о  Лот №147	304,4635	-	-	304,0	-	-	0,4635	20 жыл	Қою қызыл топырақтар	Қамтамасыз етілмеген	мал шаруашылығы
8	Қайнарбұлақ а/о Лот №23	1189,7384	-	-	1186,0	193,0	-	3,7384	20 жыл	Қою қызыл топырақтар	Қамтамасыз етілмеген	мал шаруашылығы
9	Қайнарбұлақ а/о Лот №22	1130,3900	-	-	1125,0	380,0	-	5,39	20 жыл	Қою қызыл топырақтар	Қамтамасыз етілмеген	мал шаруашылығы
10	М.Мамыраев а/о Лот №115	495,3917	-	-	493,9	-	-	1,4917	20 жыл	Қою қызыл топырақтар	Қамтамасыз етілмеген	мал шаруашылығы
11	М.Мамыраев а/о Лот №116	196,7639	159,0	-	37,0	-	-	0,7639	20 жыл	Қою қызыл топырақтар	Қамтамасыз етілмеген	өсімдік шаруашылығы, мал шаруашылығы
12	М.Мамыраев а/о Лот №117	941,9230	-	-	935,0	-	-	6,9230	20 жыл	Қою қызыл топырақтар	Қамтамасыз етілмеген	мал шаруашылығы
	Барлығы	10897,67	159,0		10052,9	573,0	610,0	75,7705	20 жыл	Қою қызыл топырақтар	Қамтамасыз етілмеген	мал шаруашылығы

Конкурстық ұсыныста:

      1) бизнес-жоспар (инвестициялардың болжамды көлемі, ауыл шаруашылығы дақылдарын өңдеп-өсіру алаңдары, ауыл шаруашылығы жануарларының мал басы, қолданылатын агротехнологиялар, ауыл шаруашылығы техникасы мен технологиялық жабдықтың, ауыл шаруашылығы саласындағы білікті мамандардың болуы, құрылатын жұмыс орындарының саны);

      2) шаруашылықішілік жерге орналастыру жобасын жасау және игеру, ауыл шаруашылығы инфрақұрылымын дамыту жөніндегі іс-шараларды орындау;

       3) Қазақстан Республикасы Ұлттық экономика министрінің міндетін атқарушының 2020 жылғы 17 қаңтардағы № 7 бұйрығымен бекітілген (мемлекеттік тіркеу тізілімінде № 19893 болып тіркелген) Ауыл шаруашылығы мақсатындағы жерді ұтымды пайдалану қағидаларын қоса алғанда, Қазақстан Республикасы жер заңнамасының талаптарын орындау, өңірдің мамандануына сәйкес ауыл шаруашылығы дақылдарының егіс алаңдары құрылымын әртараптандыру бойынша индикативтік көрсеткіштерді орындау, ғылыми негізделген агротехнологияларды, фитосанитариялық және карантиндік талаптарды сақтау жөніндегі міндеттемелер қамтылуы тиіс.

    Конкурстық ұсынысты, "электрондық үкімет" веб-порталы арқылы беру жағдайларын қоспағанда, конкурсқа қатысушы беттері нөмірленіп, тігілген түрде мөрленген немесе өшірілмейтін сиямен жазылған жабық конвертте ұсынады, конкурстық ұсыныстың соңғы беті жеке тұлғалар (немесе сенімді өкіл) үшін - қатысушының қолымен және заңды тұлғалар үшін - бірінші басшының (немесе сенімді өкіл) қолымен және мөрімен (бар болса) куәландырылады.

    Өтінімде және конкурстық ұсыныста қатысушыға грамматикалық және арифметикалық қателерді түзету қажет болған жағдайларды қоспағанда, жолдар арасында ешқандай кірістірмелер, өшірулер немесе қосып жазулар болмауы тиіс.

    Конкурстық ұсыныстың жабық конвертінде "шаруа немесе фермер қожалығын, ауыл шаруашылығы өндірісін жүргізу үшін уақытша өтеулі жер пайдалану (жалға алу) құқығын беру жөніндегі конкурс" және " жылғы __________"_____ " дейін ашуға болмайды" (ашудың нақты күні көрсетіледі) деген сөздер жазылады.

    Қосымша ақпаратты "Қарқаралы ауданының жер қатынастары, сәулет және қала құрылысы бөлімі" Мемлекеттік мекемесінен мына мекен-жай бойынша алуға болады: Қарағанды облысы, Қарқаралы ауданы, Бөкейханов көшесі 40. Байланыс тел / факс 8 (72146) 31404.