ТҮРКІСТАН: 900-ГЕ ЖУЫҚ САРЫАҒАШТЫҚ ТАЗАЛЫҚ ЖҰМЫСТАРЫНА БЕЛСЕНЕ АТСАЛЫСТЫ

Бүгін «Таза Қазақстан» бағдарламасы аясында Сарыағаш ауданында ауқымды тазалық жұмыстары өткізіліп, республикалық маңызы бар А-15 тасжолының, облыстық және аудандық маңызы бар тасжолдарының бойы және ішкі көшелерде тазалық жұмыстары қарқынды жүргізілді. Осы күні әр мекеме өзіне бекітілген аумақты, көше бойларын және арық-атыздарды қоқыстан тазартып, шөптерді ору жұмыстарын жүргізді. Сондай-ақ ағаштарды ретке келтіру, әктеу-сырлау жұмыстары атқарылды.

Тазалық жұмыстарына аудан басшысы Арман Абдуллаев қызметкерлермен бірге атсалысты. Сонымен қатар Сарыағаш қаласына қарасты Ысмайылов көшесінен бастап Қабланбек елді мекеніне дейін аралап, тазалық жұмыстарын бақылады. Жауапты әкімдерге бірқатар ескертулер беріп, тапсырмалар жүктеді. Бұл жұмыстар аудан орталығында ғана емес, ауыл округтерде, елді мекендерде де тұрақты ұйымдастырылуы керек екенін айтты.

Жалпы, эко-акцияға 7 техника, 900-ге жуық адам жұмылдырылып, 7 тоннаға жуық қоқыс шығарылды.

Түркістан облысы әкімінің баспасөз қызметі