ТҮРКІСТАН: ОРДАБАСЫДА 46 МЫҢ ТОННА АСТЫҚ ҚАМБАҒА ЖИНАЛДЫ

Ордабасы ауданында биылғы астық жинау науқаны қарқынды жүріп жатыр. Қара жердің берекесін маңдай терімен терген диқандар үшін ең жауапты кезең – жиын-терім науқаны.

Биыл аудан көлемінде 30,7 мың гектар алқапқа масақты дақылдар егілді. Бүгінде егіс алқаптарының 27,1 мың гектары орылып, нәтижесінде 46 мың тонна астық жиналды.

Бұл – дала төсіндегі тынымсыз еңбектің, шаруалардың табанды тірлігінің және егін шаруашылығындағы жүйелі жұмыстың нәтижесі. Қазір шаруалар егінді ысырапсыз жинап, науқанды белгіленген мерзімде аяқтауға күш салуда.