ТҮРКІСТАНДА ЖАНАРМАЙ БАҒАСЫ МЕН ҚОРЫ ҚАТАҢ БАҚЫЛАУДА

Түркістан облысы аумағындағы жанармай құю бекеттеріне арнайы мониторинг жүргізілілуде.

Жалпы, Түркістан қаласы бойынша 24 жанар-жағармай бекеті жұмыс істейді. Баға тұрақтылығын сақтау және негізсіз өсімге жол бермеу мақсатында барлық жанармай құю станцияларында тұрақты түрде мониторинг жүргізіліп, кәсіпкерлермен түсіндіру жұмыстары ұйымдастырылды.

Бұл жұмыстар тұрғындарды сапалы әрі қолжетімді жанармаймен қамтамасыз ету, сондай-ақ нарықтағы тұрақтылықты сақтауға бағытталған.

Мониторинг барысында жанар-жағармай бағалары, қор көлемі және қызмет көрсету сапасы назарға алынды. Қазіргі таңда қала бойынша баға тұрақтылығы сақталуда. Мониторинг жұмыстары алдағы уақытта да жалғасын табады.

Түркістан облысы әкімінің баспасөз қызметі