«ТАЗА ҚАЗАҚСТАН» АЯСЫНДА ЖАҢА МУРАЛ САЛЫНДЫ

Түркістан қаласында «Таза Қазақстан» экологиялық акциясы аясында жаңа мурал салынды.

Жоба қоршаған ортаны қорғау мәдениетін қалыптастырып, тұрғындардың экологиялық жауапкершілігін арттыруға бағытталған.

Қала келбетін көркейту мақсатында жүзеге асқан арт туынды «Керуен сарай» тұрғын үй кешенінің қабырғасына орналастырылды.

Мурал мазмұнында табиғатты аялау, тазалықты сақтау және экологиялық сананы нығайту идеялары көркем түрде бейнеленген.