ТҮРКІСТАН: ҚОҒАМДЫҚ-САЯСИ АХУАЛДЫҢ ЖАЙ-КҮЙІ ТАЛҚЫЛАНДЫ

Түркістан облысы әкімінің орынбасары Ертай Алтаевтың төрағалығымен облыстағы қоғамдық-саяси ахуал бойынша апталық штаб отырысы өтті. Жиынға облыстық прокуратура, құқық қорғау органдары мен тиісті басқармалардың басшылары қатысты. Аудан, қала әкімдері селекторлық режимде қосылды.

Басқосуда қоғамдық-саяси ахуалды бақылауда ұстап, дер кезінде тиісті шараларды жүргізуі тиістігі баса айтылды.

Жиын қорытындысы бойынша облыс әкімінің орынбасары аталған мәселелердің барлығын қарап шығып, жауапты басқармалар мен құзырлы мекеме басшыларына, сондай-ақ қала және аудан әкімдерінің орынбасарларына құқықбұзушылықтың алдын алу, қоғамдық қауіпсіздікті қамтамасыз ету және тұрақтылықты сақтау бағытындағы жұмыстарды күшейтуді тапсырды.

Түркістан облысы әкімінің баспасөз қызметі