ТҮРКІСТАН ОБЛЫСЫНЫҢ ОҚУШЫЛАРЫ «ДІЛМАР» РЕСПУБЛИКАЛЫҚ БАЙҚАУЫНДА ЖЕҢІМПАЗ АТАНДЫ

Алматы қаласында өткен жалпы білім беру ұйымдары арасындағы VII республикалық «Ділмар» шешендік өнер байқауында Түркістан облысының оқушылары жоғары нәтижеге қол жеткізді. Биылғы додаға еліміздің 18 облысы мен 4 қаласынан 25 оқушы қатысты.

Түркістан облысының намысын қорғаған қатысушылар төмендегідей жүлделі орындарды иеленді:

I орын – Созақ ауданы, Созақ мектеп-гимназиясының 11-сынып оқушысы Әбдіқадыр Ислам

II орын – Төлеби ауданы, Әңгір ата мектебінің 11-сынып оқушысы Исахан Балнұр

«Ділмар» шешендік өнер байқауы – оқушылардың сөйлеу мәдениетін, шешендік шеберлігін және ұлттық әдебиетке қызығушылығын арттыруды мақсат ететін маңызды зияткерлік сайыс.

Түркістан облысы әкімінің баспасөз қызметі