ТҮРКІСТАН: ҚАЗЫҒҰРТТЫҚ КӘСІПКЕР «ҚҰРМЕТ» ОРДЕНІМЕН МАРАПАТТАЛДЫ

Президент Қасым-Жомарт Тоқаев ауыл шаруашылығы саласының 30 еңбеккерін мемлекеттік наградамен марапаттады. Марапатталғандардың арасында Түркістан облысына қарасты Қазығұрт ауданындағы «Қарқын 2030» жауапкершілігі шектеулі серіктестігінің директоры Нұрмахан Әбдібаев та бар. Ол ауыл шаруашылығына қосқан ерекше еңбегі үшін «Құрмет» орденімен марапатталды.

Нұрмахан Әбдібаевтың ауыл шаруашылығы саласындағы ауқымды жұмысы мен тұрақты даму жолында атқарған еңбегі жоғары бағаланып, осы марапатқа лайық деп танылды.