2025 жылғы 30 наурызда Түркістан облысының 4 сайлау округінде (Түркістан облысы бойынша: Кентау қаласы – 1, Жетісай – 1, Мақтаарал – 1, Сарыағаш - 1) болатын мәслихаттардың шығып қалған депутаттарының орнына сайлау жөніндегі сайлау науқанының шеңберінде кандидаттарды тіркеу процесі аяқталды.
Округтік сайлау комиссиялары мәслихаттардың шығып қалған депутаттарының орнына ұсынылған 21 кандидаттан барлығы 5 кандидатты жеке өтініштері негізінде тіркелгенге дейін алып тастады, 16 кандидатты тіркеді 1 кандидат жеке өтініші негізінде тіркеуден кейін алынып тасталды.
Осылайша, қазіргі уақытта мәслихаттардың шығып қалған депутаттарының сайлауында орташа бәсекелестік бір бос депутаттық мандатқа 3-тен астам кандидатты құрайды.
Тіркелген 15 кандидаттың 5 саяси партиялар, 10 өзін-өзі ұсынған. Оның 15 ер адам. Кандидаттар арасында этнос өкілдері жоқ.
7 кандидат Қазақстан Республикасы саяси партияларының мүшелері болып табылады, 5 – партия қатарында жоқ, 3 партияға тиесілігін көрсетпеген.
Орташа жас – 43 жас.
11 кандидаттың білімі жоғары, 3 – орта кәсіптік білім, 1 кандидатта орта білімі бар.
Кандидаттардың 8-і коммерциялық құрылымдарда жұмыс жасайды, 7-уі жұмыспен қамтудың өзге топтарының өкілдері.
Қазіргі уақытта кандидаттардың үгіт науқаны басталды, ол 29 наурызда 00.00 сағатқа дейін жалғасады.
сілтемелер: