Халыққа құқықтық тәрбие беру жұмысы аясында Адам құқықтары жөніндегі уәкілдің Абай облысы бойынша өкілі Д.Жұмагелдин «Семейцемент» зауытының еңбек ұжымымен кездесті.
Зауыт - Семей қаласындағы ірі кәсіпорындардың бірі.
Кездесу барысында Омбудсмен өкілі жұмысшыларға «Қазақстан Республикасындағы Адам құқықтары жөніндегі уәкіл туралы» Конституциялық заңның нормаларын жан-жақты түсіндіріп, өкілдің өкілеттіктері туралы да айтып өтті.
Сонымен қатар, өкіл адам мен азаматтардың еңбек құқықтарын қорғау саласында тығыз өзара іс-қимылға дайын екенін жеткізді, өйткені ақпараттық-түсіндіру жұмысының мақсаты – еңбек ұжымының әрбір мүшесінің өздеріне өкіл тарапынан көрсетілетін қолдауды түсінуі. Бұл еңбеккердің құқықтары, бостандықтары мен заңды мүдделері бұзылған жағдайда аса маңызды.