Адам құқықтары жөніндегі уәкіл А. Ластаев Қазақстан Республикасының жаңа Конституциясына арналған дөңгелек үстелге қатысты

2026 жылғы 21 шілдеде Артур Ластаев «Қазақстанның жаңа Конституциясы – адамға бағдарлану және азаматтық қоғам» тақырыбындағы дөңгелек үстелдің жұмысына қатысты.

Іс-шараны «Халықаралық заңгерлер қауымдастығы» қоғамдық бірлестігі ұйымдастырып, оған мемлекеттік органдар мен азаматтық қоғам өкілдері қатысты.

Дөңгелек үстел барысында қатысушылар жаңа Конституцияның негізгі ережелерін, сондай-ақ конституциялық құндылықтарды іске асырудағы азаматтық қоғамның рөлін және мемлекет пен қоғам арасындағы сындарлы диалогты дамыту мәселелерін талқылады.

Омбудсмен өз сөзінде азаматтық қоғам мен мемлекет арасындағы диалог енді конституциялық архитектураға енгізілгенін атап өтті. Бұл ортақ міндетті – Негізгі заңды дұрыс түсіну мен оны тиімді қолдануды қамтамасыз ету мақсатында мемлекет пен азаматтар арасындағы кері байланысты нығайтты.