Норвегиялық Хельсинки комитетінің басшысына Омбудсмен қызметі таныстырылды

Адам құқықтары жөніндегі ұлттық орталықтың өкілдері Норвегиялық Хельсинки комитетінің бас хатшысы Берит Линдеман және Комитеттің өңірлік өкілдерімен кездесу өткізді.

Қонақтар Қазақстандағы Адам құқықтары жөніндегі уәкіл институтының қазіргі қызметімен таныстырылды. Сондай-ақ оларға ағымдағы жылдың наурыз айында республикалық референдумда қабылданған Қазақстан Республикасының жаңа Конституциясының негізгі ережелері таныстырылды.

Кездесу барысында тараптар адам құқықтарының іргелі мәселелеріне қатысты бірқатар өзге де сұрақтарды талқылады.