2025 жылы Омбудсмен 14 мониторингтік бару жүргізіп, 52 ұсыным енгізді

Адам құқықтары жөніндегі уәкіл Артур Ластаев 2025 жылы Астана қаласында, сондай-ақ Ақмола, Қарағанды, Батыс Қазақстан, Атырау, Ақтөбе, Солтүстік Қазақстан және Павлодар облыстарында орналасқан қылмыстық-атқару жүйесі мекемелеріне 14 рет бару жүргізді.

Сонымен қатар, ол Қазақстан Республикасының азаматтары орналасқан Мәскеу қаласындағы шетелдік азаматтарды уақытша ұстау орталығына барды.

Сапарлардың негізгі мақсаты – қамауда ұсталатын адамдардың құқықтарының халықаралық ең төменгі стандарттарға сәйкестігін мониторингтеу болды. 270 азамат қабылданды.

Барулардың қорытындысы бойынша Уәкіл мемлекеттік органдардың атына 52 ұсыным енгізді, оның ішінде 41-і орындалды, 11-і іске асыру сатысында тұр.