ҚАЖ мекемелерінде сотталғандардың еңбекке тартылу мүмкіндіктері кеңейтілуде

Омбудсмен Артур Ластаев мониторингтік барулар барысында сотталғандардың еңбегін ұйымдастыру мәселелеріне ерекше назар аударады және тиісті ұсынымдарды уәкілетті органға жолдайды.

Ішкі істер министрлігі сотталғандардың еңбекке тартылуын кеңейту және бизнеспен өзара іс-қимылды дамыту бойынша шараларды жүзеге асыруда, соның ішінде «Атамекен» ҰКП арқылы. Нәтижесінде 2025 жылы 1 922 сотталған жұмысқа орналастырылды.

Атбасар қаласында (Ақмола облысы) және Қараған елді мекенінде (Қарағанды облысы) жаңа өндірістік жобалар іске қосылды. Сонымен қатар, сотталғандардың кәсіби оқыту мәселелері бойынша колледждер мен шағын және орта бизнес субъектілерімен меморандумдар жасалды.

Павлодар мекемесінде жаңа өндірістік ғимараттарды салуға және бар өндірістік ғимараттарды жаңартуға арналған мақсатты қаржыландыру қарастырылған. Қазір 1 130 шаршы метр аумақты өндірістік ғимарат жөнделді.

Орал, Ақтөбе және Атырау мекемелерінде бос ғимараттар өндірісті дамыту үшін кәсіпкерлерге берілді.