Омбудсмен: Үйдегі агрессиядан қорғайтын тетіктер үнемі жетілдіруді қажет етеді

28 қараша күні  Адам құқықтары жөніндегі уәкіл Артур Ластаев Астана қаласында «Гендерлік зорлық-зомбылыққа қарсы 16 күн» халықаралық акциясына арналған дөңгелек үстел жұмысына қатысты.
Аталмыш іс-шара Қазақстандағы БҰҰ-Әйелдер құрылымымен бірлесіп, Қазақстан Республикасы Президенті жанындағы Әйелдер істері және отбасылық-демографиялық саясат жөніндегі ұлттық комиссияның ұйымдастыруымен өтті.

Омбудсмен өз құттықтау сөзінде тұрмыстық агрессия мәселесі әлемнің барлық өңірінде өзекті болып отырғанын атап өтті. ДДСҰ деректеріне сәйкес, 2025 жылы 316 миллионнан астам әйел әртүрлі зорлық түріне ұшыраған.

Адам құқықтары жөніндегі уәкіл әйелдердің құқықтарын қорғау институт жұмысының негізгі бағыттарының бірі екенін баса айтты. Омбудсмен аппаратының қолдауымен бірқатар ұсыныстар әзірленіп, олар өткен жылы сәуірде қабылданған әйелдердің құқықтарын қорғау және балалардың қауіпсіздігін қамтамасыз ету жөніндегі заңды қабылдау кезінде ескерілгенін де атап өтті.

Артур Ластаев тұрмыстық жағдайда ұрып-соғу және денсаулыққа жеңіл зиян келтіру іс-әрекеттерінің қайтадан қылмыс санатына енгізілуі отбасылардағы кісі өлтіру және ауыр жарақат фактілерінің азаюына ықпал еткенін атап өтті.

«Қоғамдағы сенімнің артуы әйелдер мен балалардың бүгінгі таңда көмекке жиі жүгінетініне дәлел болып отыр.Алайда зорлық-зомбылық түрлерінің эволюциясы, соның ішінде оның цифрлық көріністері қорғану тетіктерін үнемі жетілдіруді талап етеді. Зорлық-зомбылықпен күрес күнделікті жүргізілуі тиіс», – деді Омбудсмен.