Қазақстанда мәжбүрлі некеге қатысты заң күшейтілді

16 қыркүйектен бастап азаматтардың құқықтары мен бостандықтарын қорғауды күшейтуге бағытталған қылмыстық заңнамаға енгізілген өзгерістер күшіне енді.
Атап айтқанда, некеге мәжбүрлеу үшін жеке қылмыстық бап енгізілді. Сондай-ақ адамды ұрлап кеткен жағдайда, егер ол өз еркімен босатса да, қылмыстық жауапкершіліктен босатылмайды.
Неке қиюға мәжбүрлеу мақсатында қалыңдықты ұрлағаны үшін қылмыстық жауапкершілікті енгізу бастамасы 2023 жылы Адам құқықтары жөніндегі уәкіл тарапынан көтерілген болатын.
Бұл заңнамалық өзгерістер мұндай некелердің алдын алуға және, ең алдымен, әйелдер мен жасөспірімдерді қоса алғанда, халықтың әлсіз топтарын қорғауға бағытталған.