Артур Ластаев: Конституция Қазақстанның демократиялық дамуына бағдар берді

Адам құқықтары жөніндегі уәкіл Артур Ластаев «Конституция және мемлекеттілік: Құқық пен болашақтың диалогы» атты Қазақстан Республикасы Конституциясының 30 жылдығына арналған Халықаралық ғылыми-тәжірибелік конференцияға қатысты.

Іс-шараны Конституциялық Сот ұйымдастырды. Конференцияға отандық жетекші заңгерлер, сарапшылар, мемлекеттік органдар мен халықаралық ұйымдардың өкілдері жиналды.

Мемлекет пен қоғамның тұрақты дамуының негізгі шарты ретінде конституциялық тұрақтылық тақырыбына арналған бұл сессияда құттықтау сөз сөйлеген Артур Ластаев Қазақстан Конституциясы елдің демократиялық дамуына бағыт-бағдар бергенін атап өтті.

«Оның уақыт сынына бейімделе алуы мен икемділігі Қазақстанға бірізді реформаларды жүзеге асырып, институттарды нығайтуға, азаматтардың құқықтары мен бостандықтарын қамтамасыз етуге мүмкіндік берді», – деді Омбудсмен.

Өз сөзінде ол Конституцияның орындалуы мен оның мүлтіксіз сақталуы – заңдылық пен азаматтардың құқықтары мен бостандықтарын қорғаудың басты кепілі екенін ерекше атап өтті.