Адам құқықтары жөніндегі ұлттық орталықтың өкілі «Ата Заңым – айбыным» тақырыбында дәріс оқыды

Адам құқықтары жөніндегі ұлттық орталықтың өкілі Қазақстан Республикасы Конституциясының 30 жылдығына орай Қазақстан Республикасы Төтенше жағдайлар министрлігінің қызметкерлеріне арналған «Ата Заңым – айбыным» тақырыбында дәріс өткізді.

Орталық қызметкері конституциялық нормалардың эволюциясын жан-жақты түсіндіріп, әсіресе адам құқықтарын қорғауға қатысты ережелерге ерекше назар аударды. Сондай-ақ құқықтық мәдениет, құқықтық сананы арттыру және мемлекеттік органдардың күнделікті жұмысында конституциялық қағидаларды сақтаудың маңыздылығы мәселелері де қарастырылды.

Іс-шара ашық диалог форматында өтіп, қатысушылар өзекті сұрақтарын қойып, конституциялық нормаларды іске асырудың практикалық аспектілерін талқылауға мүмкіндік алды.

Мұндай кездесулер құқық қорғау институты мен мемлекеттік құрылымдар арасындағы өзара іс-қимылды нығайтуға, сондай-ақ мемлекеттік қызметшілердің құқықтық сауаттылығын арттыруға ықпал етеді.