Үйлестіру кеңес мүшелері алдын алу барулар кезіндегі заңнаманың сақталуын талқылады

2025 жылдың 20 тамызында Қазақстан Республикасындағы Адам құқықтары жөніндегі уәкіл жанындағы Үйлестіру кеңестің кеңейтілген отырысы өтті.

Отырысқа Омбудсмен Артур Ластаев төрағалық етті. Шараға кеңес мүшелері, Ұлттық алдын алу тетігінің (ҰАТ) қатысушылары және Уәкілдің өңірлік өкілдері қатысты.

Жиын барысында превентивті барулар жүргізу кезіндегі заңнаманың сақталуы, 2025 жылғы олардың қорытындылары бойынша жинақталған баяндамаға дайындық мәселелері қаралды. Сондай-ақ, ҰАТ-нің 2025 жылға арналған превентивті барулар жоспарына өзгерістер енгізілді.

Бұдан бөлек, превентивті барулар бойынша есеп беру және олардың нәтижелері бойынша ұсыныстар нысандары бекітілді.

Адам құқықтары жөніндегі уәкіл жанындағы Үйлестіру кеңес – Ұлттық алдын алу қатысушыларының қызметін тиімді үйлестіру мақсатында құрылған консультативтік-кеңесші орган.