Өкіл Жамбыл облысының білім саласында сапаны қамтамасыз ету департаментінің басшысымен кездесті

Ағымдағы жылдың 28 сәуірінде ҚР Адам құқықтары жөніндегі уәкілдің Жамбыл облысы бойынша өкілі Еркін Қуанышев Жамбыл облысының білім саласында сапаны қамтамасыз ету департаментінің басшысы Мухит Аманкуловпен кездесті.

Кездесу барысында білім ошақтарындағы білім беру сапасын арттыру мен алдағы Ұлттық бірыңғай тестілеу мәселелері талқыланды.

Сонымен қатар бүгінгі күні облыстағы 67 мектеп күрделі жөндеуді қажет ететіндігі жайлы да сөз қозғалды.

Кездесу барысында Өкіл өңірдегі адам құқықтарын одан әрі ілгерілету, өскелең ұрпаққа заңнамадан түсіндірме беру, адам құқықтарының құндылығын дарыту, құқықтық тәрбие беру арқылы жастарды өз құқықтарын пайдаланып, азаматтық міндеттерін орындай отырып қоғамда өмір сүруге, заңдар мен ережелерді тәжірибеде белсенді қолдана білуге үйретуге болатындығы жайлы айта кетті.