Шығыс Қазақстан облысы бойынша Қылмыстық-атқару жүйесі департаментінің бастығымен бірлесіп, Қазақстан Республикасы Ішкі істер министрлігі Қылмыстық-атқару жүйесі комитетінің бір мекемесінде сотталғанмен жеке кездесу өткіздім.

Кездесу барысында сотталғанның өтінішіне қатысты мәселелер қарастырылып, тиісті түсіндірмелер берілді.

2022 жылғы 5 қарашадағы №154-VII ҚРЗ «Қазақстан Республикасындағы Адам құқықтары жөніндегі уәкіл туралы» Конституциялық заңның 18-бабына сәйкес:

Қазақстан Республикасындағы Адам құқықтары жөніндегі уәкілге немесе оның облыстағы, республикалық маңызы бар қаладағы, астанадағы өкіліне уәкілетті мемлекеттік органдар, жергілікті мемлекеттік басқару және өзін-өзі басқару органдары, мекемелер мен ұйымдар, сондай-ақ олардың лауазымды тұлғалары арнайы әлеуметтік қызметтер көрсететін, қоғамнан уақытша оқшаулау шаралары қолданылатын немесе жазаны орындауға арналған ұйымдар мен мекемелерде еркін кіру және ондағы адамдармен кедергісіз кездесіп, сөйлесу мүмкіндігін қамтамасыз етуге міндетті.

Қазақстан Республикасындағы Адам құқықтары жөніндегі уәкіл немесе оның облыстағы, республикалық маңызы бар қаладағы, астанадағы өкілі аталған адамдармен куәлардың қатысуынсыз, жеке өзі немесе қажет болған жағдайда аудармашы арқылы, сондай-ақ тиісті ақпаратты ұсынуы мүмкін кез келген басқа тұлғамен әңгімелесе алады.