«Облыстық фтизиопульмонология орталығы» коммуналдық мемлекеттік қазыналық кәсіпорнына барды

🔹 ҚР Адам құқықтары жөніндегі Уәкілдің Ұлытау облысы бойынша өкілі А.Б. Каримов өзінің қызметтік міндеттері аясында Ұлытау облысының денсаулық сақтау басқармасына қарасты «Облыстық фтизиопульмонология орталығы» коммуналдық мемлекеттік қазыналық кәсіпорнына барып, мекеменің қызметімен танысты.

Сапар барысында ол орталықтағы жағдайды, науқастардың құқықтарының сақталуын, емдеу және күтіп-ұстау талаптарының халықаралық және ұлттық стандарттарға сәйкестігін бағалады. Сонымен қатар, мекеме қызметкерлерімен және ем қабылдап жатқан азаматтармен кездесу өткізіп, олардың өтініштері мен ұсыныстарын тыңдады.

Мұндай жұмыс сапарлары Уәкіл институтының өңірлерде азаматтардың құқықтарының қорғалуын бақылау және қамтамасыз ету бағытындағы маңызды құрамдас бөлігі болып табылады. Анықталған кемшіліктер бойынша ұсыным берілді.