АҚУ Түркістан облысы бойынша өкілі сараптамалық кеңес сарапшысысымен бірге Түркістан облысының денсаулық сақтау басқармасына қарасты «Облыстық психикалық денсаулық орталығы» ШЖҚ МКҚ мекемесіне барды.

Қазақстан Республикасындағы Адам құқықтары жөніндегі Уәкілдің Түркістан облысы бойынша өкілі Сараптамалық кеңес мүшесі Л.О.Дарханбаевамен бірге Түркістан облысының денсаулық сақтау басқармасына қарасты «Облыстық психикалық денсаулық орталығы» ШЖҚ МКҚ-нің 12-бөлімшесіне және 21-бөлімшесіне бару жүргізіп, науқастардың құқықтарының сақталуына мониторинг жүргізді. Мониторинг барысында науқастардың палаталарының жағдайы мен жай-күйі, медициналық қызметтер сапасы зерделенді. Сонымен қатар науқастарға берілетін тағамдар тексерілді. Бару нәтижесімен ұсынымдар тағайындалып, құзырлы органдарға жіберілетін болады.