№50 мекемеде (әйелдер колониясы) М. Қозыбаев атындағы Солтүстік Қазақстан университетінің ғылыми кітапханасымен бірлесіп ұйымдастырылған кітапхана қорын толықтыру жөніндегі іс-шара өтті
Аталған бастама аясында мекеме қоры көркем, оқу және танымдық әдебиеттерден тұратын 700-ден астам кітаппен толықтырылды. Берілген басылымдар сотталғандардың ой-өрісін кеңейтуге, кітап оқуға қызығушылығын арттыруға және өзін-өзі дамытуға жағдай жасауға бағытталған.
Ақпаратқа және білім алуға қолжетімділікті қамтамасыз ету сотталғандармен қарым-қатынастың негізгі халықаралық стандарттарының бірі болып табылатыны атап өтілді. Бостандығынан айырылған адамдармен қарым-қатынастың ең төменгі стандарттық қағидаларына (Нельсон Мандела қағидалары) сәйкес, мемлекет қамаудағы адамдардың білім алуы мен мәдени дамуы үшін, соның ішінде кітапханалар мен әдебиетке қолжетімділікті қамтамасыз етуге міндетті.
Сондай-ақ Қазақстан Республикасының Конституциясы әрбір адамға мәдени құндылықтар мен ақпаратқа қол жеткізу құқығын кепілдік береді, бұл құқық оқшаулау жағдайында да өзектілігін сақтайды.
Осындай іс-шараларды жүзеге асыру құқықтық және жалпы сауаттылық деңгейін арттыруға ғана емес, сонымен қатар әлеуметтік бейімделу мен табысты қайта әлеуметтену үшін жағдай қалыптастыруға ықпал етеді.
Университет кітапханасына белсенді қатысқаны және әлеуметтік маңызы бар бастамаларды дамытуға қосқан үлесі үшін алғыс білдіріледі.