Уәлиханов және Ақжар аудандарының учаскелік полиция пункттеріне барып келу
24–26 ақпан аралығында Уәлиханов және Ақжар аудандарының учаскелік полиция пункттеріне бардым. Инспекторлар әкімшілік учаскеде профилактикалық есепте тұрған тұлғалармен — алкогольді шамадан тыс тұтынатын, шартты түрде сотталған және пробациялық бақылауда жүрген азаматтармен жүргізіліп жатқан жұмыстар туралы хабардар етті.Пункттердің үй-жайларын қарап шықтым, ауылдарда және қызметтік кабинеттерде бейнебақылау камераларының болуына назар аударылды.
Ақжар ауданының уақытша ұстау изоляторында (УҰИ) ұсталған адамдардың құқықтарының сақталуына және оларды ұстау жағдайларының белгіленген ең төменгі стандарттарға сәйкестігіне мониторинг жүргіздім. Бес ұсталған азаматпен әңгімелестім.
Уәлиханов ауданында уақытша ұстау изоляторының болмауы ұсталған азаматтардың білікті заң көмегіне қол жеткізуін шектейтіні, туыстарымен байланыс жасау мүмкіндігінің қиындайтыны атап өтілді. Бұл жағдай құқықтық тәртіпті қамтамасыз етуге, процестік нормалардың сақталуына және бюджет қаражатын ұтымды пайдалануға байланысты елеулі қиындықтар туындатады.