Тайынша және Аққайың аудандарының полиция бөлімдерінде уақытша ұстау изоляторларын, әкімшілік тәртіппен ұсталғандарға арналған бөлмелерді аралау

Тайынша және Аққайың аудандарының полиция бөлімдерінде уақытша ұстау изоляторларын, әкімшілік тәртіппен ұсталғандарға арналған бөлмелерді аралау
✅️ Тайынша және Аққайың аудандарының полиция бөлімдерінде уақытша ұстау изоляторларын (УҰИ), сондай-ақ әкімшілік тәртіппен ұсталғандарға арналған бөлмелерді араладым. Барлық ұсталған азаматтармен, оның ішінде тергеу-қамауда отырған адамдармен әңгімелестім. Кездесулер барысында тамақтану мәселелері, ұстау жағдайлары мен мекемеге орналастырудың негіздері талқыланды.
Медициналық қызметкерлермен жеткізілген азаматтарға санитариялық және медициналық қызмет көрсету мәселелері бойынша пікір алмастық.
Қоғамдық қауіпсіздік қызметінің қолдауымен учаскелік полиция пункттерінің үй-жайлары қаралды, инспекторлармен кездесу өткізілді. Халықпен өзара іс-қимыл жасау, профилактикалық есепте тұрған тұлғалармен жүргізіліп жатқан жұмыс мәселелері талқыланды.
✅️ Еске саламын, қоғамнан уақытша оқшауланған азаматтардың құқықтарының сақталуын қамтамасыз ету мақсатында Адам құқықтары жөніндегі уәкіл ұлттық алдын алу тетік (ҰАТ) қатысушыларымен өзара іс-қимыл жасайды және олардың азаптаулардың, сондай-ақ басқа да қатыгез, адамшылыққа жатпайтын немесе қадір-қасиетті қорлайтын қарым-қатынас пен жазалау түрлерінің алдын алу жөніндегі қызметін үйлестіреді.