Петропавл қаласындағы «Арман» балаларға әлеуметтік қызмет көрсету орталығына барып келу
Петропавл қаласындағы «Арман» балаларды әлеуметтік қызмет көрсету орталығына арнайы әлеуметтік қызметтердің көрсетілуі, қызмет алушылардың заңды құқықтары мен мүдделерінің сақталуы мәселелері бойынша бардым.Орталықтың жобалық қуаттылығы – 14 төсек-орын (барған сәтте 11 қызмет алушы болды). Қозғалыс-тірек аппараты бұзылған мүмкіндігі шектеулі балалар Петропавл қаласының №13 мектебінде инклюзивті оқыту әдісі бойынша білім алады.
Мекемеде бейнебақылау жүйесі орнатылып, жұмыс істейді. Қызмет көрсету кабинеттерін, автокөлікті, асхананы, тұрмыстық блокты қарап шықтым. Балалармен әңгімелестім.
Естеріңізге сала кетейін, мүгедектік бойынша мемлекеттік әлеуметтік жәрдемақы қызмет алушыларға мемлекеттің әлеуметтік кепілдіктері аясында тағайындалады. Мүмкіндігі шектеулі балалар жалпы білім беретін мектептегі оқу кезеңін ескере отырып, ұзақ мерзімді оңалту іс-шараларын алу үшін уақытша тұру жағдайында Орталықта тұрады. Мүгедектік пен күтім бойынша жәрдемақылар балалардың ата-аналарына, заңды өкілдері ретінде, тұрғылықты жері бойынша төленеді.