Солтүстік Қазақстан облысының Қызылжар ауданы әкімдігінде кездесу

Солтүстік Қазақстан облысының Қызылжар ауданы әкімдігінде кездесу
Адам құқықтарын қорғау – демократиялық құндылықтарға және заң үстемдігі қағидаттарына берік ұстанымды білдіретін қазіргі заманғы мемлекеттің негізгі міндеті.
✅️ Қызылжар ауданы әкімдігінде өткен кездесу барысында Конституция қоғам дамуының негізгі қағидаттарын айқындайтынын, әрбір азаматтың құқықтары мен бостандықтарына кепілдік беретінін, мемлекеттің негізі, халықтың бірлігі мен тәуелсіздігінің нышаны болып табылатынын атап өттім.
Антидискриминациялық мәдениетті қалыптастыру – бұл тек адам құқықтарын сақтау мәселесі ғана емес, сонымен қатар әлеуметтік бірлікті нығайтудың аса маңызды тетігі.
✅️ Азаптаулар мен қатыгез қарым-қатынастардың алдын алу, шағымдарды қарау, құқықтық сананы қалыптастыру, құқықтық мәдениетті нығайту, сондай-ақ зорлық-зомбылықтың, буллингтің және оқушылар арасындағы құқыққа қайшы мінез-құлықтың барлық түрлерінің профилактикасы бағытындағы жұмысты атап өттім.
✅️ Омбудсмен кеңсесі жүргізген зерттеулер мен заңнаманы жетілдіру, қылмыстық процестегі адам құқықтары, денсаулықты қорғау, әлеуметтік қамсыздандыру, еңбек құқықтары мен әйелдердің құқықтары мәселелері қозғалды.
Балаларға құқықтары мен міндеттерін түсіндіріп қана қоймай, заңға құрметпен қарауды, жауапкершілік сезімін және сындарлы мінез-құлық дағдыларын қалыптастыру қажеттігін еске салдым. Бұл – болашақта кемел құқықтық мәдениетті қалыптастырудың кілті.