Даму мүмкіндігі шектеулі балаларға арналған №1 арнайы (түзету) мектеп-интернатына барып келу

Ұйықтайтын орындардың жай-күйімен, тамақ тарату және қабылдау жағдайларымен, санитарлық-гигиеналық ахуалмен таныстым. Балалармен, тәрбиешілермен және ата-аналармен әңгіме жүргізілді.

Мектеп басшылығымен ерекше білім беру қажеттіліктері бар балалардың дамуы мен әлеуметтенуіне жағдай жасау, қолайлы және қолжетімді ортада білім алуын қамтамасыз ету, тамақтануды ұйымдастыру, қатыгез қарым-қатынастың жолын кесу мәселелерін талқыладық. Медициналық блок жұмыс істейді, бейнебақылау жүйесі қолданыста.

Ақпараттық бейнеэкранда жедел қызметтердің байланыс деректері, отбасы, әйелдер және балалардың құқықтарын қорғау мәселелері бойынша кешенді көмек көрсететін 111 қызметінің Байланыс орталығының нөмірі, сондай-ақ Солтүстік Қазақстан облысы бойынша Адам құқықтары жөніндегі уәкілдің өкілінің байланыс деректері орналастырылған.

Сапар Ұлттық алдын алу тетігі қатысушыларымен бірлесіп өткізілді.

Естеріңізге сала кетейін, «Даму мүмкіндігі шектеулі балаларға әлеуметтік және медико-педагогикалық түзеу арқылы қолдау көрсету туралы» Заң дамуында кемшіліктері бар балаларға көмек көрсетудің тиімді жүйесін құруға, оларды тәрбиелеу, оқыту, еңбекке және кәсіптік даярлауға байланысты мәселелерді шешуге, сондай-ақ балалар мүгедектігінің алдын алуға бағытталған.